LISHOMO 32
Utawala wa Nnungu undyanjanga kulangalalela!
Utawala wa Nnungu wanjenge kulangalalela kuwa mu mwaka wa 1914. Apo ni palatunduvenge maduva lamwisho adishilikali dya vanu. Tunkumanya dashi? Tunauka nalola nyamani shivalanga Ibibiliya kwaupande wa vinu avyo na nyamani shumilidile mushilambo tangu mwaka wa 1914.
1. Ibibiliya ivalenge nyamani?
Libuku limwe Daniyele linkutupwashela kumanya kenga Utawala wa Nnungu ukandyanjanga kulangalalela kumwisho wakati ushamegwa “wakati saba.” (Daniyele 4:16, 17) Vikapite myaka, Yesu andíshema wakati awo “kuva wakati wavo vamidi,” na nae andípundisha kenga wakati awo uvele ukanava kwila. (Lukashi 21:24) Tunauka nalipundisha kenga wakati saba umalilike mwaka wa 1914.
2. Kutunduvangila mwaka wa 1914 shilambo shivele dashi na vanu vankutenda nyamani?
Vakwoda vake Yesu vanímudya: “Twaulila! Da vinu avi vilota kutandeka duvani? shimanyikilo shani shilóta kulilodya kwida kwako na mwisho wawakati?” (Mateu 24:3) Yesu andívajang’ula avalanga vinu vyoe vishilota kutandeka muwakati washilota kutunduvanga kulangalalela kuwa kenga Umu wa Utawala wa Nnungu. Vinu vyatangwele ni ding’ondo, kwova kwa shakulya na vindangenda. (Shomya Mateu 24:7) Namomo Ibibiliya indívalanga mwashi mwavashilota “kuvalela vanu mumaduva amwisho.” (2 Timoti 3:1-5) Na kwamwaa wa shinu asho wakati ni wakujowa na vinu vyakunyata vinkuka mushu vyanjadyeka tangu mwaka wa 1914.
3. Mwaa shani matatisho mushilambo lankuka mushu lanjadyeka tangu ukatunduvange kulangalalela Utawala wa Nnungu?
Wakati padyoko baada Yesu kuva Umu wa Utawala wa Nnungu kuwa, nae andítenda ing’ondo namu Shatwani pamo na vandamoni. Mu ing’ondo ayo Shatwani andikatoka lyutu lyake kuwa. Ibibiliya inkushidoni “nae pamo na vanjelo vake vandijalegwa mushilambo shapai.” (Maono 12:9, 10, 12) Shatwani nae andishimwa poe mwaa ankumanya kenga andabamolegwa. Ndyomana nae ankumilidya matatisho na mauvilo loe mushilambo uti. Ashi shinkutupwashela kumanya mwaa shani shinamilo mushilambo ni shakukamadyanga! Kanji Utawala wa Nnungu undauka namalidya matatisho uti.
LAMBELA KUMANYA VYOE
Manya mwaa shani tunkwamini kenga Utawala wa Nnungu wanjenge kulangalalela mu mwaka wa 1914 na shinu ashi mana ake nyamani kwetu.
4. Vyakulava vyamu Ibibiliya vinkuvalanga mwaka wa 1914
Nnungu aníntadya Umu wa ku Babiloni Nabucudonosor kulatanga. Kulatanga ako na mana lavalenge Daniyele, kushilodya nyamani shilota kutandeka mu Utawala umwe Nabucudonosor na Utawala wa Nnungu.—Shomya Daniyele 4:17.a
Shomya Daniyele 4:20-26, na badae tumila libau lyaamba 133 pakulota ujang’ule vyakudya vya mwina:
(A) Nabucudonosor agwene nyamani mu kulatanga kwake?—Lola mishitali 20 na 21.
(B) Nyamani shishilota kutandeka na nnandi?—Lola nshitali 23.
(C) Nyamani shishilota kutandeka baada yakumalilika “wakati saba”?—Lola nshitali 26.
Kulatanga kwa nnandi kunkwigwania dashi na Utawala wa Nnungu
Shakulava (Daniyele 4:20-36)
Utawala
(A) Nnandi ukumene namene
Utawala vandimidya
(B) “Gwiya nnandi,” na “muleke upite wakati saba”
Utawala undaujila
(C) “Vandaujiya utawala wako kavili”
Kutandeka kutandi kwa shakulava ashi . . .
(D) Nnandi ushimwamba nyani?—Lola nshitali 22.
(E) Utawala vaukile naimidya dashi?—Shomya Daniyele 4:29-33.
(F) Nyamani shintandeke Nabucudonosor baada kwila “wakati saba”?—Shomya Daniyele 4:34-36.
KUTANDEKA KUTANDI
Utawala
(D) Nabucudonosor Umu wa ku Babiloni
Utawala vandimidya
(E) Baada ya mwaka 606 U.W.K., Nabucudonosor ankuva kenga munu wakudulumbuka na hanaulula shinu kulangalalela mu myaka saba
Utawala undaujila
(F) Nabucudonosor andyujila kuva mumi na andyanjanga kulangalalela kavili
Kutandeka kwambili kwa shakulava ashi . . .
(G) Nnandi awo ushimwamba nyani?—Shomya 1 Maimyo 29:23.
(H) Utawala wavo vaimidídye dashi? Tunkumanya dashi kenga Utawala undyuka mushu vaimididye mpaka muwakati Yesu pavele mushilambo?—Shomya Lukashi 21:24.
(I) Utawala awo vaujiidye duvani na kwashi?
KUTANDEKA KWAMBILI
Utawala
(G) Vaumu va ku Ishilaeli vashilodya kulangalalela kwake Nnungu
Utawala vandimidya
(H) Yelushalemu indibamolegwa na vaumu va ku Ishilaeli vandimila kulangalalela mu myaka 2.520
Utawala undaujila
(I) Yesu panjanga kulangalalela kuwa kenga Umu wa Utawala wa Nnungu
Wakati saba uve na myaka mingapi?
Dimbande dinji dyamu Ibibiliya dinkutupwashela kwigwa shana dimbande dinji. Kwampano mulibuku lya Maono linkuvalanga kenga wakati mitatu na nushu unkulingana na maduva 1.260. (Maono 12:6, 14) Wakati saba ni myanda mivili vya inamba ai au tushidoni maduva 2.520. Myanda vinji Ibibiliya ikatangola liduva limo yamba mwaka umo. (Shakiyele 4:6) Amu ni mwauvalalele wakati saba wavamba mulibuku limwe Daniyele wanavo unkwamba myaka 2.520.
5. Shilambo shibadilike tangu mwaka wa 1914
Yesu andivalanga mwashi mwashilota kuvalela shilambo baada nae kuva Umu. Shomya Lukashi 21:9-11, na badae mwambangile mwaa shakudya sha mwina:
Undiwai kwona au kwigwa vinu vyavavalenge?
Myombe Paulu andívalanga mwashi mwavalota kuvalela vanu mu maduva lamwishu mu kulangalalela kwa vanu. Shomya 2 Timoti 3:1-5, na badae mwambangile mwaa shakudya sha mwina:
Wako wona kenga vanu vankuvanavo mavalelo alo?
6. Tulota kupwashela Utawala wa Nnungu
Shomya Mateu 24:3, 14, na badae mwambangile mwaa vyakudya vya mwina:
Shimadengo shani shikumene shilodya kenga Utawala wa Nnungu undyanjanga kulangalalela?
Wako ulota kutenda nyamani pakulota kupwashela shimadengo asho?
Ambi Utawala wa Nnungu unkulangalalela, na muwakati wakuvandika unalangalalela mushilambo uti. Shomya Vabalaniya 10:24, 25, na badae mwambangile mwaa shakudya sha mwina:
Nyamani shivaikidile kutenda kula munu “patwona kuvandika liduva apa”?
Paulipundisha shinu shilóta kuulula kuvapwashela vanu na kuvambola, ivaikidile utende nyamani?
VANU VANJI VANKUULULA KUDYA: “Mwaa shani Mashaidi va Yeova vanatangola kenga mwaka wa 1914 ni wambone namene?”
Wako ukajang’wile dashi?
KWAUNGWIPI
Vyakulava vyamu Ibibiliya na vitandeka mushilambo, vinkulodya kenga Utawala wa Nnungu unkulangalalela. Patwandadya ntenga na patuka ku mikutano, tunkulodya kenga tunkwamini shinu asho.
Tukumbukilange
Nyamani shitandeke wakati saba uvalangangigwa mulibuku limwe Daniyele?
Nyamani shikupa wakika kenga Utawala wa Nnungu wanjenge kulangalalela mu mwaka wa 1914?
Ulota kulodya dashi kwamini kwako kenga Utawala wa Nnungu unkulangalalela?
LIPUNDISHE
Lola nyamani shavandike vakuvalanga maimyo na vanu vanji kwaupande wa mabadiliko mushilambo tangu mwaka wa 1914.
Lola shakulava shipatikana mu Mateu 24:14 mwashukidile nabadilisha shingumi sha nnume jumo.
“Nilipenda Mchezo wa Besiboli Kuliko Kitu Kingine Chochote!” (Mnara wa Mlinzi, Na. 3 2017)
Tunkumanya dashi kenga shakulava shipatikana mu Daniyele nnango wa 4 shinkwamba Utawala wa Nnungu?
“Ufalme wa Mungu Ulianza Kutawala Lini? (Sehemu ya 1)” (Mnara wa Mlinzi, Oktoba 1, 2014)
Tunkumanya dashi “wakati saba” uvalangangigwa mu Daniyele nnango wa 4 umalilike mu mwaka wa 1914?
“Ufalme wa Mungu Ulianza Kutawala Lini? (Sehemu ya 2)” ( Mnara wa Mlinzi, Novemba 1, 2014)
a Lola mashomo mavili lamwisho imbande ya Lipundishe ya lishomo ali.