Da mauvilo andamalilika?

LOLA SHITANGALEKA MU IBIBILIYA

‘Nnungu . . . andavapukutanga myodi uti kumeo kwave; kupela, shipalodi, shililo, kupwateka hakupagwa kavili.’—Maono 21:3, 4, Ibibiliya Mukukulumuka 2.

MWAA SHANI NI SHAMBONE KUMANYA VINU AVI

Wako undaulula . . .

kukulupila kenga Nnungu hanatunduvanga shinu matatisho etu.—Tiyagu 1: 13.

kumalala pakumanya kenga Nnungu ankumanya mauvilo etu.—Shakaliya 2:8.

kuvanavo lilindililo kenga mauvilo uti andauka ndamalilika.—Dimu 37:9-11.

INKUTUVAIKILA TUKULUPILE SHITANGALEKA MU IBIBILIYA?

Elo, mwaa wadishaliya mbili:

• Nnungu andavangedya mauvilo na vinu vyakunyata. Kumbukila mwashi Nnungu Yeova mwashonela pakuvona venintete vake vavauvyanga muwakati wamandiko a Ibibiliya. Ibibiliya indyaula kenga nae ashindona kupwateka kwamwa ‘waavala vashivauvyanga.’—Vakuukumu 2:18, Tradução do Novo Mundo.

  Nnungu inanyatila kuvona vanu vavauvyanga vavagwe. Kwampano, Ibibiliya itangola kenga nae andavangedya “makono anaumadyanga myadi vikave makosha.”—Mikong’o 6:16, 17.

• Nnungu ankunshunga kula munu. Hatunava shinu wetu gweka ‘tumanya kuvauvanga na kupwateka kwetu.’ Yeova ankumanya yadavo!—2 Maimyo 6:29, 30.

  Kupitila mu Ishilikali yake, Yeova muwakati wakuvandika andamalila mauvilo akula munu. (Mateu 6:9, 10) Kwaambi, nae ankuvapambadyanga shana vanu uti vannambela nae kwa umwiu.—Vitendo 17:27; 2 Vakolintu 1:3, 4.