LISHOMO 49
Likola lyako lilota kupata dashi lipuwilo?—Imbande 1
Valambene ambi valota lipuwilo lyavavenavo liduva lyavashunga shitamu lipagwe ngwengwe. Na shinu ashi shinkuululika. Vaklistu valambene kala na valikanyalidya kuvikila mmitendo midimu víkabadilika vyamu Ibibiliya, vankumanya kenga shinu ashi shinkuululika.
1. Midimu shani vijaula Ibibiliya kwaupande wa vatwamunu?
Yeova anintandola ntwamunu pakulota ave muti walikola. (Shomya Vaepeshu 5:23.) Nae ankulindila wamushi waumya ntwamunu upwashele likola. Ibibiliya, inkuvaulila vatwamunu iishidoni: “Mmatwamunu, kula munu annagwaledye ndyagwe.” (Vaepeshu 5:25) Ashi Mana ake ni nyamani? Ntwamunu walinagwaledyo anantanana shana ndyagwe pakaja na pakati pa vanu. Nae ananshililidya na anatenda shaulula pakulota kumupa vinu vyapamili na mmakumbukililo. (1 Timoti 5:8) Kuleka apo, nae ananshunga nkati mwimumu. (Mateu 4:4) Kwampano, ntwamunu ankuulula kushwali na kushomya Ibibiliya pamo na ndyagwe. Ntwamunu antanana ndyagwe na linagwaledyo andananowanga umbodi wake namu Yeova.—Shomya 1 Patulu 3:7.
2. Midimu shani vijaula Ibibiliya kwaupande wa vadyamunu?
Lilove lya Nnungu linkushidoni: “ndyamunu amwishimu ntwagwe.” (Vaepeshu 5:33) Ndyamunu alota kutenda dashi shinu ashi? Nae ankuulula kutumbyanga mavalelo lambone lavenavo ntwagwe na kulikanyalidya kwake pakulota kunshunga na kuvashunga vanavao. Namomo ankuulula kulodya ishima kwa kupwashela wamushi waumya nae na kutangola mu inamuna yambone ata ikava kenga hanava shinu Nklistu. Ndyamunu momo hanantangola kunyata ntwamunu pa vanu.
3. Vakulambana valota kuulula dashi kunanowanga shitamu shavo?
Ibibiliya inkuvaulila vakulambana iishidoni: “Ava ni mili umo.” (Mateu 19:5) Asho Mana ake ivaikidile valikanyalidye pakulota linagwaledyo lyavalodyania kula munu na muje, halinapunguke. Vanavo vanatenda davo, kwa kupita wakati pamo na kwambanga mwaa mu inamuna yakukulupilika na yalinagwaledyo kwaupande wa makumbukililo lavo na mwavaligwidya. Baada imwe Yeova—hapali munu junji ave na mana mushingumi shavo—kuliko ntwamunu na ndyamunu. Vanavo vanalikanyalidya pakulota havanavenavo makumbukililo la mapenji kwa munu junji.
LAMBELA KUMANYA VYOE
Manya malamulo ákabadilika la mu Ibibiliya lalota kunanowanga shitamu shako.
4. Ntwamunu—immaikidile annagwaledye ndyamunu na anshunge
Ibibiliya inkushidoni “vatwamunu vavanagwaledye vadyavave kenga wo mili wave vene.” (Vaepeshu 5:28, 29) Asho Mana ake ni nyamani? Lola VIDEO, na badae mwambangile mwaa shakudya sha mwina.
Ntwamunu alota kulodya dashi kenga ankunnagwaledya ndyagwe na ankuntanana?
Shomya Vakoloshu 3:12, na badae mwambangile mwaa shakudya sha mwina:
Ntwamunu alota kulodya dashi mavalelo ala?
5. Ndyamunu—immaikidile amwishimu ntwamunu na annagwaledye
Ibibiliya inkumupa ntima shii ndyamunu pakulota amwishimu ntwamunu, ata akava kenga nae ni Nklistu au mene. Shomya 1 Patulu 3:1, 2 na badae mwambangile mwaa vyakudya vya mwina:
Ikava kenga ntwavo hanantumikila shinu Yeova, kwaumwiu wako ushinalota antumikile. Hamunava shinu momo? Nyamani shawona kenga shinauka nakupwashela—kuva tayali pakulota kumwandadidya au kuva ndyamunu walinagwaledyo, wambone na waishima? Mwaa wa nyamani?
Ntwamunu na ndyamunu pamo vankuulula kumya wamushi wambone. Kanji inkuululika ndyamunu mene kungila nkono wamushi wa ntwagwe. Nae ankuulula kutangola shakumbukila, kanji kwaupole na kwaishima, amanya kenga Yeova animupa madalaka ntwamunu pakulota kumya wamushi wambone upwashela likola. Nae ivaikidile aungile nkono wamushi wa ntwagwe. Akatenda davo likola linauka navanavo lipuwilo. Shomya 1 Patulu 3:3-5, na badae mwambangile mwaa shakudya sha mwina:
Yeova aligwa dashi ndyamunu akalodya ishima kwa ntwamunu?
6. Matatisho pashitamu ankuulula kwangangaleka
Hashipali shitamu shakwaloka. Ndyomana, vakulambana ivavaikidile valikanyalidye pakulota kwangangola matatisho. Lola VIDEO, na badae mwambangile mwaa vyakudya vya mwina.
Kulingana na video, nyamani shilodya kenga vakulambana vashindapukananga?
Nyamani shavatandile vanavo pakulota kunanowanga shitamu shavo?
Shomya 1 Vakolintu 10:24 na Vakoloshu 3:13. Baada yakushomya kula lyaandiko, mwambangile mwaa shakudya sha mwina:
Ndimu au ulota kunanowanga dashi shitamu?
Ibibiliya inkushidoni ituvaikidile twishimane. Kulodya ishima kunkuvika nkati kuntanana munu kwa wambone na kwaishima. Shomya Valoma 12:10, na badae mwambangile mwaa vyakudya vya mwina:
Da ntwamunu au ndyamunu ivaikidile alodye ishima mwaa muje ankulodya? Mwaa shani wako unkutangola davo?
VANU VANJI VANKUSHIDONI: “Vinu vindyuka nabadilika mu shitamu shetu ndyomana tundyapukananga kula munu na muje.”
Wako ulota kuvalanganga dashi kenga Ibibiliya inkuulula kwangangola litatisho alyo?
KWAUNGWIPI
Ntwamunu na ndyamunu vankuulula kuvanavo lipuwilo ikava kenga vankunagwaladyania, vankwishimana na vankuvikila mmitendo midimu vyamu Ibibiliya.
Tukumbukilange
Ntwamunu alota kuulula dashi kutenda imbande yake pakulota shitamu shivenavo lipuwilo?
Ndyamunu alota kuulula dashi kutenda imbande yake pakulota shitamu shivenavo lipuwilo?
Ikava kenga wako undilomba au undilombwa, malamulo shani amu Ibibiliya lalota kunanowanga shitamu shako?
LIPUNDISHE
Lola maoni lakuvikila mmitendo lalota kupwashela likola lyako kuvanavo lipuwilo.
Lola video vivalanga dinudyo dipatikana kwamwaa wakuvikila mmitendo midimu vya Nnungu kwaupande wa shitamu.
Lola Mana ake kwishimu ushepi wa ntwamunu.
“Wanawake, Kwa Nini Mjitiishe Chini ya Ukichwa?” (Mnara wa Mlinzi, Mei 15, 2010)
Lola mwashi midimu vyamu Ibibiliya, mwavivapwashalela vakulambana kwangangola matatisho.