SHINAMILO SHA SHIKLISTU
Vanavo vankukola madengo namene pakulota kututumikila wetu
Vakúwanela disemu na vadyavavo vankuvanagwaledya namene avalá vavawanela. Kenga uti wetu, vanavo vipali vinu vyavalota na myanda vinji vandapitila kudabadabanga, na mangaikangilo. (Tiy. 5:17) Kanji ata ikava davo, kula ishumana vanavo vavakumbukila namene vanung’unumunu na valumbumunu muvipinga vyavawanela na mwashi mwakuvapela ntima shii. Vakuwanela disemu kwaumwiu “vandivaikila vapate ishima ing’umene.”—1 Tim. 5:17.
Muwakati Paulu washitenda mpango pakulota kuwanela ku Loma kuka “ndavaing’a shajo shoeshoe shaimumu” shipinga shivele kwanavo, nae alodíle kwaupande “walipambadyangidyo.” (Val. 1:11, 12) Da wako undiwai kukumbukila mwashi mwaulota kuululila kumupa ntima shii nkúwanela isemu pamo na ndyagwe, ikava kenga andilomba?
LOLA VIDEO SHINGUMI SHA NKÚWANELA ISEMU KULIKAJA, NA BADAE JANG’ULA VYAKUDYA VYAATIKA:
Kwa inamuna shani vakúwanela isemu pamo na vadyavavo yavalodya linagwaledyo muvipinga?
Wako unkupatangila dashi paida kulikanyalidya kwavo?
Wetu tulota kuvapa dashi ntima shii?