LISHOMO 53
Tandola vyakupikitila vimpuwangidya Yeova
Yeova ni ‘Nnungu walipuwilo.’ (1 Timoti 1:11) Nae alota wetu tuvenavo lipuwilo na tukatakele shingumi. Nae kunannagwela tukalambela wakati pakulota kupumula. Mu lishomo ali, tundalipundisha mwashi mwakutumilila wakati wetu—na kwabila kulivaliva kumpuwangidya Yeova.
1. Nyamani shituvaikidile tukumbukile muwakati watutandola vinu vyakupikitila?
Wako shikunagwela kutenda nyamani muwakati wakupumula? Vanji kuvanagwela kushomya libuku, kwigwilila mushika, kulola video au kupikita na inteleneti. Vanji hakunavanagwela kwikala pashinu pamo, vanavo kuvanagwela vapita—vawena, kwagwela au kujalanga nshajo na vambodi vao. Kutandola kwoekwoe kwatulota kutenda, ituvaikidile tuvenavo wakika kenga ashilá shatulota kupikitila “shinkunnagwela Umu.” (Vaepeshu 5:10) Ni shinu shikumene wetu shituvaikidile tukumbukile, mwaa myanda vyoe vinu vyavanatandola vanu pakulota kupikitila ni vinu vinnyatila Yeova, kenga ukalau, kulauka, au uwavi. (Shomya Dimu 11:5.) Nyamani shilota kutupwashela wetu kutandola shana ashilá shatulota kupikitila?
Vambodi vetu vákannagwaledya Yeova, vandatwambukisha wetu muwambone na ashilá shatulota kutandola kupikitila shindava shinu shambone. Kenga mwatulipundishididye mu lishomo 48, ‘aijá awena na valimanyilo andava walimanyilo.’ Kwaupande unji, wetu tukapita wakati woe na vanu vákanagwaledya malamulo lamwe Yeova, ‘tundapata shaushanga.’—Mikong’o 13:20.
2. Mwaa shani ni shambone kulaledya wakati watutumila pakulota kupikita?
Ata ikava kenga shatutandola kupikitila shambone, kanji ituvaikidile tulaledye wakati watutumila pakulota kupikita. Mwaa inkuululika mene kuvanavo wakati, pakulota kutenda vinu vivenavo mana. Ibibiliya inkutupundisha iishidoni: “tumila shana wakati wamuvenavo.”—Shomya Vaepeshu 5:15, 16.
LAMBELA KUMANYA VYOE
Manya mwashi mwakumidya wamushi wambone pakulota kutandola ashilá shaulota kupikitila.
3. Apukananganavo vinu víkampuwangidya Yeova
Mwaa shani ituvaikidile tutandole shana ashilá shatulota kupikitila? Lola VIDEO, na badae mwambangile mwaa vyakudya vya mwina.
Mishesho vyakala vya ku Loma, vinkulingana dashi na mishesho vya nelo?
Mu video, nyamani shalipundishidye Danny kwaupande wa vinu vyakupikitila?
Shomya Valoma 12:9, na badae mwambangile mwaa shakudya sha mwina:
Lyaandiko ali lilota kukupwashela dashi kwaupande wakutandola vinu vyakupikitila?
Vinu shani vinji vyavangedya Yeova? Shomya Mikong’o 6:16, 17 na Vagalata 5:19-21. Baada yakushomya kula lyaandiko, mwambangile mwaa shakudya sha mwina:
Vinu shani vyavavalenge mu mishitali avi vilingana na vinu vyakupikitila vya nelo?
Mwakutandalela vinu vyakupikitila
Lyudye doni:
Nyamani? Shakupikitila ashi shipali shinu shíkannagwela Yeova?
Duvani? Shakupikitila ashi hashitwala shinu wakati woe wangushilota kutumila kutenda vinu vinji vivenavo mana?
Nyani? Shakupikitila ashi hashingutadya shinu kuvanavo umbodi na vanu vákannagwaledya Yeova?
Pakulota tupagwe mulishililidyo, ituvaikidile tuve kushu na shijoidyo. Nimumo momo, ituvaikidile tuleke vinu vyakupikitila vyatwona kenga vyakunyata
4. Tumila shana wakati
Lola VIDEO, na badae mwambangile mwaa shakudya sha mwina.
Nung’unumunu watungwene mu video, hashipali shakunyata shashilola, kanji nyamani shintadidye nae avenavo matatisho?
Shomya Vapilipo 1:10, na badae mwambangile mwaa shakudya sha mwina:
Lyaandiko ali lilota kutupwashela dashi kwamuwa wakati watulota kupikita?
5. Tandola vinu vyakupikitila ulilaledya
Kwaumwiu, vipali vinu vinji vyakupikitila víkannagwela Yeova, kanji vipali vinu vyambone vituvaikidile wetu tupikitile. Shomya Nkúvalanga 8:15 na Vapilipo 4:8, na badae mwambangile mwaa shakudya sha mwina:
Inamuna shani yakupikita inakunagwela wako?
Vipali vinu vyoe vyambone vituvaikidile tupikitile
VANU VANJI VANKUSHIDONI: “Hashinava shinu shakunyata kulola video vyakukamanana, vilodya vinu vyakulauka au vyauwavi, shikumene ni nangu mene kutenda vinu avyo.”
Wako ukate dashi?
KWAUNGWIPI
Yeova alota wetu tutandole shana vinu vyakupikitila na tupikitile vinu vitupa ipaida.
Tukumbukilange
Inamuna shani ya vinu vyakupikitila ivaikidile Vaklistu vanyeme?
Mwaa shani ituvaikidile tulaledye wakati watutumila tupikita?
Mwaa shani wako unkulota kutandola vinu vyakupikitila vimpuwangidya Yeova?
LIPUNDISHE
Mmanye nyani avenavo madalaka lakutandola ashilá shaulota kupikitila.
Manya mwashi mwakutandalela ashilá shaulota kupikitila.
“Je, Unayochagua Inakujenga?” (Mnara wa Mlinzi, Oktoba 15, 2011)
Pakulota umanye nyamani shintadidye nnume jumo kubadili shakupikitila, shomya shakupitila “Nditema kupambula.”
“Biblia Inabadili Maisha” (Mnara wa Mlinzi, Februari 1, 2010)
Mmanye jujumunu jumo aumidye wamushi wambone kwaupande wa vinu vyakupikitila vishigwania na uwavi.