Tumila lyaamba lyakutunduvanga mu JW.ORG ku kwandadya ntenga

Lyaamba lyakutunduvanga lya isaiti yetu linkuvanavo mashomo na video vyavapanganiyenge pakulota kuvautidya vanu vákavele Mashaidi va Yeova vavenavo ntima wakukulupilika. (Vit. 13:48) Lyanavo linkulodya dyabali au vinu vyavakumbukila vanu na vyavambangila namene mwaa.

Wako ulota kutumila dashi lyaamba lyakutunduvanga mu jw.org ku kwandadya ntenga?

• Kula liduva tenda winjila ku jw.org. Andika pashinu lishomo livikigwe ku isaiti, na lambela kumanya mwashi mwakutumilila lishomo alyo pakulota kumpwashela munu alodidye lilotelo. (Pakulota kupata mashomo lanji lavikigwe ambi pa lyaamba lyakutunduvanga ku isaiti, towa pavandike “Ver mais.”) Kulidyavalakedya na isaiti kundakupwashela wako kupata mitenga vyaambi pakulota kutumila ku kwandadya.

• Tumila mashomo na video vinalodyegwa mu lyaamba lyakutunduvanga pakulota kwanjanga mwaa. Myaa avi vinkuulula kutupwashela wetu kumanya shinu shavambangila mwaa namene vanu ku isemu yetu.

• Valodye vanu lyaamba lyakutunduvanga. Valanga myaa shalowa, na nnodye munu mwashi mwakuululila kupata dyabali ku jw.org.

• Tumidya ilinki. Vanu vanji havanalota kutangola namu wetu, kanji vanalota kwinjila ku isaiti yetu ya jw.org. Napavedoni haunashishile kuvatumididya vanu vavenavo lilotelo ilinki ya lyaamba lyakutunduvanga, lishomo au video vilodyegwa kwanavo.