Tangola mwaunatangalela

Lilamulo líkabadilika: ‘Lilove lyavanatangola muwakati uvaikidile—ni lyambone namene!’—Mikon. 15:23.

Pilipo atandíle nyamani?

Pilipo nkwándadya pambanga mwaa na nnume mwitiyope ashomya shidingo aikele palingishi.

VIDEO: Pilipo pamwandadidya ntenga Mwitiyope

1. Lola VIDEO, au shomya Vitendo 8:30, 31. Badae jang’ula vyakudya vya mwina:

Pilipo anjenge dashi mwaa?
Mwaa shani ai ivele inamuna yambone yakwanjanga mwaa na kumpundisha nnume shinu shaambi?

Wetu tulipundisha nyamani namu Pilipo?

2. Tukatangola kenga mwatunatangalela, munu watutangolanavo analigwa shana na anava tayali pakulota kwigwilila ntenga wetu.

Njedye Pilipo

3. Ava wakulola. Ing’ope na mili vinu avi vinkuulula kuvalanga vinu vyoe kwaupande wa munu. Da tushidoni munu avele tayali kutangola namu wako? Akava tayali, wako unkuulula kwanjanga kutangola kwaupande wa Ibibiliya kwa kutenda shakudya: “Unkumanya kenga . . . ?” Kanji ukona kenga munu hanalota shinu kutangola, haunankanyalidye.

4. Ava mpole. Haunakumbukile kenga ivaikidile utangole kwashipajelo kwaupande wa Ibibiliya. Lindila wakati wambone pakulota kutenda davo. Myanda vinji, asho mana ake inkulateka wako ulinde wakati unji pakulota utangole na munu.

5. Ava tayali kubadili. Panji munu ankuulula kwanjanga kutangola vinu vyaukashilindila. Ava tayali pakulota kutangola kwaupande wa shinu shinnagwela munu ajo, ata ikava kenga unatangola shinu shinji kuleka ashilá shaupanganiyenge.

NAMOMO LOLA

Nkúval. 3:1, 7; 1 Vakol. 9:22; 2 Vakol. 2:17; Vakol. 4:6