LISHOMO 28

Lodya kulambwalela kwa ashilá shatandile Yeova namu Yesu kwako

Lyaamba lyakwimpilimiligwa

Uligwa dashi mbodi akakupa shawadi yambone namene? Kwaumwiu, wako undapuwanga namene na unalota kulodya kulambwalela kwako kwa shawadi ayo. Yeova namu Yesu vanditupa shawadi ikumene namene. Shawadi ayo ni yakwashi, na tulota kulodya dashi kulambwalela kwetu?

1. Indila shani yatulota kulodya kulambwalela kwetu kwa ashilá shatandile Yeova namu Yesu kwetu?

Ibibiliya indilivikila kenga “uti vankulupíla nae [Yesu]” vandapata shingumi shíkamalilika. (Nshuwau 3:16) Tulota kuulula dashi kutenda davo? Ashi mana ake kutenda poe kuliko kumwamini vila Yesu. Wetu ituvaikidile tulodye likulupililo lyetu kwa vinu vyatutandola na vinu vyatutenda. (Tiyagu 2:17) Wetu tukalodya likulupililo lyetu kwa ashilá shatutenda na shatutangola, wetu tundananowanga umbodi wetu namu Yesu pamo na Tatake, Yeova.—Shomya Nshuwau 14:21.

2. Shakutandeka shani shapagweka shinatupwashela kulodya kulambwalela kwetu kwa ashilá shatandile Yeova namu Yesu?

Shilo nae hakanava kupela, Yesu andívaulila vakwoda vake kwaupande wa inamuna inji ivaikidile vanavo valodye kulambwalela kwavo, kwa shadaka sha shilota kujaula nae. Nae andyanjanga shakutandeka shapagweka shimanyika mu Ibibiliya kuva “Kulya kumwe Umu kwa lyulo,” au Kumbukumbu ya kupela kumwe Klistu. (1 Vakolintu 11:20) Yesu ashilota vamyombe vake—na Vaklistu uti vaiu—vakumbukile kenga nae andijaula shingumi shake kwamwaa wetu. Kwaupande ya kumbukumbu ai Yesu andílamulila aashidoni: “Tenda shinu ashi mungukumbukila nangu.” (Lukashi 22:19) Ukapagwa Pakumbukumbu, wako undalodya kenga unkulambwalela namene kwa linagwaledyo likumene lyalodidye Yeova namu Yesu kwamwaa wetu.

LAMBELA KUMANYA VYOE

Lipundishe dinamuna dyoe dyaulota kutumila wako pakulota kulodya kulambwalela kwako, kwa linagwaledyo likumene lyalodidye Yeova namu Yesu. Lipundishe vyoe pakulota kumanya mwaa shani Kumbukumbu ya kupela kumwe Klistu ni shinu shikumene.

3. Ituvaikidile tutende nyamani pakulota tulodye kulambwalela kwetu?

Kumbukila kenga munu andyambola shingumi shako. Tushidoni wako ukandilivaliva shatandile munu ajo kwako? Au wako ukandilambela dinamuna dyakulota kulodya kenga unkulambwalela namene kwa ashilá shatandile nae kwako?

Yeova ni lipata lya shingumi shetu. Shomya 1 Nshuwau 4:8-10, na badae mwambangile mwaa vyakudya vya mwina:

Mwaa shani shadaka shajawile Yesu ni shawadi yapagweka?
Wako unkuligwa dashi kwa ashilá shatandile Yeova namu Yesu kwako?

Tulota kulodya dashi kulambwalela kwetu kwa ashilá shatandile Yeova namu Yesu kwetu? Shomya 2 Vakolintu 5:15 na 1 Nshuwau 4:11; 5:3. Baada ya kushomya kula lyaandiko, mwambangile mwaa shakudya sha mwina:

Kulingana na lyaandiko, nyamani shituvaikidile tutende pakulota tulodye kulambwalela kwetu?

4. Njedye Yesu

Inamuna inji yakulodya kulambwalela kwetu ni kwa kunjedya Yesu. Shomya 1 Patulu 2:21, na badae mwambangile mwaa shakudya sha mwina:

Dinamuna shani dinji dyakwoda mwalivete Yesu?

Yesu pashomya Lilove lya Nnungu mu shidigo. — Yesu ashinanagwaledya Lilove lya Nnungu, ashinan- dadya mitenga vyambone, na ashinavapwashela vanu vanji

Yesu patangola na nkongwe wa ku Shamaliya. — Yesu ashinanagwaledya Lilove lya Nnungu, ashinan- dadya mitenga vyambone, na ashinavapwashela vanu vanji

5. Pagwa Pakumbukumbu yakupela kumwe Klistu

Pakulota umanye nyamani shitandeke Pakumbukumbu itandi ya kulya kumwe Umu kwa lyulo, shomya Lukashi 22:14, 19, 20. Badae mwambangile mwaa vyakudya vya mwina:

Shitandeke nyamani pakulya kutandi kumwe Umu kwa lyulo?
Ligung’u na ivinyu vilodya nyamani?—Lola mishitali 19 na 20.

Yesu andívaulila vamyombe vake pakulota vapagwe pakulya kumwe Umu kwa lyulo ikawika italee yapadile nae. Ndyomana Mashaidi va Yeova vaodedya lilamulo limwe Yesu, vandakadyania kula mwaka pakulota kukumbukila kupela kumwe Klistu. Pakulota umanye kwaupande wa nkutano au ukumene, lola VIDEO. Badae mwambangile mwaa shakudya sha mwina.

VIDEO: Kumbukumbu ya kupela kumwe Yesu (1:41)

Vinu vya mu video ‘Kumbukumbu ya kupela kwake Yesu.’ Mashaidi va Yeova vavele pa Kulya kumwe Umu kwa lyulo.

Pakumbukumbu yakupela kumwe Klistu shitandeka nyamani?

A plate of unleavened bread and a glass of wine.

Ligung’u na ivinyu ni vimanyikilo. Ligungu lilodya mili umwe Yesu ukave kasholo wajawile kwamwaa wetu. Ivinyu ilodya myadi vyake

Ivinyu pavajaulanila muwakati wa Kulya kumwe Umu kwa lyulo.

VANU VANJI VANKUSHIDONI: “Shinu shivaikidile wako utende pakulota wambwalegwe ni kumwamini Yesu.”

Ulota nkutumila dashi Nshuwau 3:16 na Tiyagu 2:17 pakulota kulodya kenga inkulateka kutenda vinu vinji?

KWAUNGWIPI

Pakulota tulodye kulambwalela kwetu kwa ashilá shatandile Yesu kwetu, ituvaikidile tunkulupíle nae na tupagwe Pakumbukumbu ya kupela kwake.

Tukumbukilange

Kunkulupíla Yesu mana ake nyamani?
Wako ulota kulodya dashi kulambwalela kwa ashilá shatandile Yeova namu Yesu kwako?
Mwaa shani ni shambone kupagwa Pakumbukumbu ya kupela kumwe Klistu?

Lishomo ali ngumalidile mu liduva lya:

Ishabaa

Pagwa Pakumbukumbu ya kupela kumwe Klistu yaatika. Mudye mwalimu wako wa Ibibiliya ilota kuva duvani, na andika italee pashinu pakulota haunalivalive.

Linji:

Your other goal

LIPUNDISHE

Kupela kumwe Klistu kukutupa dimongo pakulota kutenda nyamani?

Nae andítumila mili wake pakulota kumupa ishima Yeova (9:28)

Manya vyoe kwaupande wa likulupililo na wako ulota kuulula dashi kuvanavo lyanavo.

“Onyesha Imani Yako Katika Ahadi za Yeova” (Mnara wa Mlinzi, Oktoba 2016)

Shomya pakulota umanye shingumi sha nkongwe mwashukidile ndava shana baada nae kumanya mana ake shadaka shajawile Yesu kwamwaa wake.

“Biblia Inabadili Maisha” (Mnara wa Mlinzi, Agosti 1, 2011)

Manya mwaa shani ni vanu padyoko vanalya ligung’u na vanakumbila ivinyu.

“Kwa Nini Mashahidi wa Yeova Wanaadhimisha Mlo wa Jioni wa Bwana kwa Njia Tofauti na Dini Nyingine?” (Makala iliyo kwenye mtandao)