LISHOMO 18
Ulota kuvamanya dashi Vaklistu vaiu?
Dimilioni dyavanu voe vashidoni ni Vaklistu. Kanji shinamilo shavo hashinadananga shinu na maandiko na havanandadya ntenga. Napanelo tulota kuvamanya dashi Vaklistu vaiu?
1. Kuva Nklistu ni nyamani?
Vaklistu vaiu ni avalá vamwoda Yesu Klistu. (Shomya Vitendo 11:26.) Vanavo valodya dashi ngala kenga ni vakwoda vake Klistu? Yesu atedoni: “Mwenu mukauka mushu mwigwilila mapundisho angu mundava mwiu mmakwoda vangu.” (Nshuwau 8:31) Ashi manaake Vaklistu vaiu ivaikidile vaodedye mapundisho lamwe Yesu. Kenga Yesu nae ashikulupila maandiko lamu Ibibiliya pakulota kupundisha, pavedoni Vaklistu vaiu mapundisho lavo lavaikidile laigwanie na Ibibiliya.—Shomya Lukashi 24:27.
2. Vaklistu vaiu valodya dashi linagwaledyo?
Yesu andívaulila vakwoda vake aashidoni: “Nagwaladyania kenga mo mwaninnagwaladyedya nangu.” (Nshuwau 15:12) Yesu alodídye dashi kenga ashinavanagwaledya vakwoda vake? Nae ashinatumila wakati apagwa navanavo, ashinavapa ntima shii na ashinavapwashela. Nae mpaka andijaula shingumi shake kwamwaa wavo. (1 Nshuwau 3:16) Kenga Yesu, Vaklistu vaiu vanalodya linagwaledyo lyavo muvitendo kuliko kutangola vila. Vanavo vanalodya kwa vitendo vyavo na malove kenga vankunagwaladyania kula munu na muje.
3. Vaklistu vaiu lidengo lyavo ni lyakwashi?
Yesu andivapa lidengo vakwoda vake. “Nae kutwala kuvatuma vauke vavalanganga ntenga wa utawala wa Nnungu.’’ (Lukashi 9:2) Vaklistu vatandi vashinandadya ntenga, vanavo havashitenda shinu asho mumautu lakulipudidya bai, kanji namomo muumbala na muding’ande. (Shomya Vitendo 5:42; 17:17.) Nelo Vaklistu vaiu vankwandadya umwiu wamu Ibibiliya poepoe pavavakodya vanu. Vanavo vankuvanagwaledya vanu, ndyomana indavanagwela kutumila wakati na dimongo dyavo, pakulota kupundisha ntenga wamu Ibibiliya walilindililo na wakupambadyanga.—Malukushi 12:31.
LAMBELA KUMANYA VYOE
Manya kuvilingananga kupagwite pakati pa Vaklistu vaiu na avalá vakaodedya mapundisho lamwe Yesu na mpano wake.
4. Vanavo vandalambela kumanya umwiu wamu Ibibiliya
Vaklistu vakala vashinanagwaledya lilove lya Nnungu
I uti avalá vaashidoni Vaklistu vankwodedya umwiu uvele mu Ibibiliya. Lola VIDEO, na badae mwambangile mwaa shakudya sha mwina.
Nyamani shavatandile vanu vanji vamu didini, pakulota venentete havanalipundishe umwiu wamu Ibibiliya?
Yesu andipundisha umwiu wamu Ibibiliya. Shomya Nshuwau 18:37, na badae mwambangile mwaa shakudya sha mwina:
Kulingana namu Yesu, tulota kuulula da- shi kuvamanya Vaklistu vavele “nkati mu umwiu”?
5. Vanavo vanandadya umwiu wamu Ibibiliya
Vaklistu vatandi vashinatumbyanga lilove lyake Nnungu, vashinandadya ntenga, na vashinanagwaladyania kula munu na muje
Yesu hakanava kuka kuwa, nae andivalakela vakwoda vake lidengo pakulota vauke mushu vatenda. Shomya Mateu 28:19, 20 na Vitendo 1:8, na badae mwambangile mwaa shakudya sha mwina:
Lidengo lyakwandadya ntenga likatandeke wakati shani na mpaka kwashi?
6. Vanavo vaodedya ashilá shavapundisha
Tom aukile ndakikisha dashi kenga andivakodya Vaklistu vaiu? Lola VIDEO, na badae mwambangile mwaa vyakudya vya mwina.
Mu video, nyamani shintadidye Tom kudoba didini?
Nyamani shintadidye nae kwakikisha kenga andipata umwiu?
Vitendo vindatangola na dimongo kuliko malove. Shomya Mateu 7:21, na badae mwambangile mwaa shakudya sha mwina:
Nyamani shivele na maana namene kwake Yesu—shatutangola au shatutenda?
7. Vanavo vananagwaladyania kula munu na muje
Vaklistu vakala vashinanagwaladyania kula munu na muje
Da Vaklistu vaiu vandíjaula shingumi shavo pakulota kuvapwashela Vaklistu vanji? Lola VIDEO, na badae mwambangile mwaa vyakudya vya mwina.
Mu video, nyamani shintadidye Lloyd kujaula shingumi shake pakulota kunshililidya nung’une Johansson?
Wako wona kenga nae anditenda kulingana na Vaklistu vaiu?
Shomya Nshuwau 13:34, 35, na badae mwambangile mwaa vyakudya vya mwina:
Vaklistu vaiu vavatanana dashi vanu va dikabila dinji?
Vanavo vandalodya linagwaledyo wakati wa ing’ondo?
VANU VANJI VANKUSHIDONI: “Vaklistu vanditenda vinu vyoe vyakunyata namene—vanavo valota kuulula dashi kuvanavo umwiu?”
Lyaandiko shani lyaulota kutumila pakulota kunnodya munu kenga wetu tunkuulula kuvamanya Vaklistu vaiu?
KWAUNGWIPI
Vaklistu vaiu vaodedya ashilá shipundisha Ibibiliya, vanavo vanalodya linagwaledyo liu na vanandadya umwiu wamu Ibibiliya.
Tukumbukilange
Vaklistu vaiu shavatangola na shavatenda shodananga na nyamani?
Livalelo shani lipwashela kuvamanya Vaklistu vaiu?
Lidengo shani lyavatenda Vaklistu vaiu?
LIPUNDISHE
Lipundishe vyoe kwaupande wa shipinga shilikanyalidya kwoda mpano umwe Yesu Klistu na mapundisho lake.
Shomya maimyo la nkongwe jumo álakile kuva wakukatolika na apatile “likola liu lya mwimumu.”
“Walitumia Biblia kujibu maswali yangu yote!” (Mnara wa Mlinzi, Aprili 1, 2014)
Manya mwashi mwavalodyedya Vaklistu vaiu linagwaledyo kwa vaklistumwave vakalota lipwashalelo.
Kuvapwashela vanung’unumunu vetu shikaumila shovya—Imbande (3:57)
Shomya kwaupande wa Vaklistu vatandi na Vaklistu vaiu va maduvano mwavatandela vinu kulingana na mapundisho lamwe Yesu.
“Ni Sifa Gani Zinazowatambulisha Wakristo wa Kweli?” (Mnara wa Mlinzi, Machi 1, 2012)