LISHOMO 20
Upangaji washipinga uvele dashi?
Yeova ni Nnungu waamani. (1 Vakolintu 14:33) Ndyomana vanu vake ivavaikidile vave yadavo. Shipinga sha Shiklistu shipangigwe dashi? Tulota kupwashela dashi pakulota shuke shana?
1. Muti washipinga ni nyani?
“Klistu ni muti washipinga.” (Vaepeshu 5:23) Avele kuwa, nae ankulangalalela madengo la venentete vake Yeova mushilambo uti. Yesu animmika “ntumika wakukulupilika na wading’ano”—shipinga shidikidiki sha vanang’olo valimanyilo shimanyika kuva Ibunge Ilangalela. (Shomya Mateu 24:45-47.) Kenga mwavashitandela vamyombe na vanag’olo ku Yelushalemu mu myaka miya vyakutunduvanga, Ibunge Ilangalela inkujaula midimu muvipinga mushilambo uti. (Vitendo 15:2) Kanji vanavo havanava shinu vananangalaledi va upangaji wetu. Vanavo vankulupila Yeova na Lilove lyake pakulota avalangalalele na vavele mwina mumwe Yesu kenga muti washipinga.
2. Vanang’olo vashipinga ni vakwashi na vankutenda madengo shani?
Vanang’olo vashipinga ni Vaklistu vakunanopa mwimumu vapundisha mwakutumilila maandiko na kuvashunga venentete vake Yeova vavapwashela na kuvapa ntima shii. Havanavalipa kwamwaa wa madengo lavatenda. Ata ikava davo, vanavo vankutumikila “mwakulilatela pamevo pa Nnungu, i kwaditama dyanjuluku, kanji kwadukuduku yakutumika.” (1 Patulu 5:1, 2) Vanang’olo vashipinga vapwashalegwa na vatumika vamadengo, vovo vo, mushu mwake, vankuulula kutumikila kenga vanang’olo vashipinga.
Ibunge Ilangalela inavatandola vanang’olo vashipinga vanji pakulota vatumikile kenga vakuwanela isemu. Vanavo vawanela vipinga pakulota kujaula midimu na ntima shii kwa vanung’unumunu na valumbumunu. Vanavo vanavatandola vanang’olo vashipinga na vatumika vamadengo, vavenavo mavalelo lambone lamwimumu.—1 Timoti 3:1-10, 12; Titu 1:5-9.
3. Madengo shani lavenavo kula Nshaidi wa Yeova?
Uti mushipinga “vanatumbyanga lina limwe Yeova” vatenda imbande mmikutano vya pashipinga na mushimadengo shakwandadya ntenga kwodananga na litala lyavenavo kula munu.—Shomya Dimu 148:12, 13.
LAMBELA KUMANYA VYOE
Lipundishe Yesu ni nanangalaledi wa inamuna shani, vanang’olo vashipinga vaodedya dashi mpano wake, na wetu tulota kumwigwilila dashi Yesu na vanang’olo vashipinga.
4. Yesu ni nanangalaledi wambone
Yesu ankutulalika na linagwaledyo. Shomya Mateu 11:28-30, na badae mwambangile mwaa shakudya sha mwina:
Yesu alota tuligwe dashi kwaupande wa unanangalaledi wake?
Vanang’olo vashipinga vaodedya dashi mpano umwe Yesu? Lola VIDEO.
Ibibiliya inkupundisha shana mwashi muvaikidile vanang’olo vashipinga kukola madengo lavo.
Shomya Ishaiya 32:2 na 1 Patulu 5:1-3, na badae mwambangile mwaa vyakudya vya mwina:
Wako unkuligwa dashi paumanyite kenga vanang’olo vashipinga vankulijaula pakulota kuvapuwangidya vanji kenga mwashitandela Yesu?
Dindila shani dinji dyavatumila vanang’olo vashipinga pakulota kunjedya Yesu?
5. Vanango’olo vashipinga vapundisha kupitila mpano wave
Yesu alota vanang’olo vashipinga valigwe dashi kwa shimadengo shavatenda? Lola VIDEO.
Yesu andyumya midimu kwa avalá valangalela mushipinga. Shomya Mateu 23:8-12, na badae mwambangile mwaa shakudya sha mwina:
Kuvilingananga shani kwaugwene kwaupande wa midimu vyamu Ibibiliya, vyavatumila vanang’olo vashipinga na ashilá shaugwene kwa vananangalaledi va didini dinji?
Vanang’olo vashipinga vanashililidya umbodi wave namu Yeova na vanapwa- shela makola lavo kutenda davo
Vanang’olo vashipinga vankuvashunga vanu uti pashipinga
Vanang’olo vashipinga vankwandadya ntenga kwabila kuleka.
Vanang’olo vashipinga vanapundisha lilove lya Nnungu. Nayadavo vanapwashela kutenda ulanda pa ing’ande ya Utawala na madengo lanji
6. Wetu ituvaikidile tuvaigwilile vanang’olo vashipinga
Ibibiliya inkutupa ishabaa ikumene pakulota tuvaigwilile vanag’olo vashipinga. Shomya Vabalaniya 13:17, na badae mwambangile mwaa vyakudya vya mwina:
Mwaa shani Ibibiliya inkutumanyia pakulota tuvaigwilie na tulivike mwina mwa avalá valangalela shipinga? Wako wonela mwashi?
Shomya Lukashi 16:10, na badae mwambangile mwaa shakudya sha mwina:
Mwaa shani ituvaikidile tuvaigwilile vanang’olo vashipinga ata mu vinu vidikidiki?
VANU VANJI VANKUSHIDONI: “Wako hainalateka shinu kuvanavo idini pakulota kulipudya kwa Nnungu.”
Mwaa shani wako unkwona kuva shinu shambone kutenda imbande yavanu valipudya kwa Nnungu?
KWAUNGWIPI
Yesu ni muti washipinga. Kwa lipuwilo wetu ituvaikidile tuvaigwilile vanang’olo vashipinga avalá vatumikila mwina mwake Yesu kwamwaa vanavo vankutupuwangidya na vankutupundisha kupitila mipano.
Tukumbukilange
Muti washipinga ni nyani?
Vanang’olo vashipinga vapwashela dashi shipinga?
Madengo shani lavenavo kula munu alipudya kwake Yeova?
LIPUNDISHE
Lola vimanyikilo vilodya kutanana kukumene kwa Ibunge Ilangalela na vanang’olo vashipinga vanji kwaupande wa Vaklistu nelo.
Manya madengo latenda nkúwanela isemu.
Shomya kwaupande wa madengo lavenavo nkongwe pashipinga.
“Je, Mashahidi wa Yehova Wanawaruhusu Wanawake Kufundisha?” (Mnara wa Mlinzi, Septemba 1, 2012)
Manya vanang’olo vashipinga vankulikanyalidya dashi pakulota kuvapa ntima shii vanung’unumunu.
“Wazee Wakristo Ni—‘Wafanyakazi Wenzi Kwa Shangwe Yetu’” (Mnara wa Mlinzi, Januari 15, 2013)