LISHOMO 52
Mwaa shani ni shambone kukumbukila dinguvo dyetu na mwakugwalila?
Wetu uti kunatunagwela kutandola dinguvo dyakugwala na mwashi mwakugwalila. Kanji lapali malamulo ákabadilika la mu Ibibiliya, latupwashela mwashi mwakutumilila dinguvo ditunagwela mu inamuna impuwangidya Yeova. Mu lishomo ali tunambangila mwaa malamulo alo.
1. Malamulo shani ákabadilika lalota kutupwashela kwamuwa mwashi mwakugwa- lila na mwakulitataliyangidya?
Wetu ni tuvatumika vamwe Yeova, ndyomana ituvaikidile tuve tuvambone, tugwale dinguvo ‘dyaishima, kwakutulila na kwakulilaledya.’ Mu inamuna ai, tunalodya “kulipudya kwetu kwa Nnungu.” (1 Timoti 2:9, 10) Lola malamulo nsheshe ákabadilika: 1 Dinguvo dyetu divaikidile dive “dyaishima.” Panji wako undona ku mikutano vyetu, venentete vake Yeova vanagwala dinguvo dya inamuna yakuvilingananga, kanji dinguvo dyetu na mwatulikandyangidya ugwimbu vinkulodya kenga tunkumwishimu Nnungu wetu, Yeova. 2 Kugwala dinguvo kwakutulila ni kugwala kúkantadya munu kuvanavo makumbukililo la uwendi, au ni kugwala kwatukalota wetu munu atutumbyange. 3 Tunalodya kenga tunkugwala dinguvo “kwakulilaledya” kwakuleka kwodedya kula inamuna yadinguvo divanagwela vanji. (4) Mwatugwalila kula liduva kuvaikidile kulodye kenga “tunkuntumikila Nnungu,” pakulota hainavakamadyangidye vanu vanji kwona kenga tunkulipudya kwa Nnungu wiu.—1 Vakolintu 10:31.
2. Mwaa shani ituvaikidile tuvakumbukile vanung’unumunu muwakati watutandola dinguvo?
Ivedavo tuvenavo ulu wakutandola dinguvo dyakugwala, ituvaikidile tukumbukile dinguvo dyetu mwadilota kuvambukishidya vanu vanji. Tunalikanyalidya namene pakulota hatunantadye munu woewoe kulikuvala, kuleka apo, ituvaikidile tuntadye ‘nshitanonomwetu innagwele kwauwambone wake jo mwene pakulota tunnanowange.’—Shomya Valoma 15:1, 2.
3. Mwatugwalila kulota kuvautidya dashi vanu vanji kumwe Yeova?
Tunagwala shana muwakati uti, kupunda namene patuka ku mikutano na ku kwandadya ntenga. Hatunalota dinguvo dyetu dyatugwala divatadye vanu mene kwigwilila ntenga watwandadya. Kuleka davo, ituvaikidile tugwale mu inamuna ‘munemya muvinu uti mapundisho ake Nnungu Mwamboli wetu’, pakulota kuvatadya vanu kulipundisha kwaupande umwe Yeova.—Titu 2:10.
LAMBELA KUMANYA VYOE
Lola mwatugwalila na mwatulitataliyangidya mwatulota kuvapwashela vanu vanji kwona kenga ni Tuvaklistu vaiu.
Magwalilo letu lankuulula kulodya kenga tunkuvaishimu vanu vavenavo madalaka. Ata ikava kenga Yeova ankwona ashilá shivele muntima, magwalilo letu momo lava- ikidile lamwishimu nae
4. Kuvanavo mavalelo lambone kunalodya ishima kumwe Yeova
Ishabaa shani ikumene yakwangaikangila magwalidyo letu? Shomya Dimu 47:2, na badae mwambangile mwaa vyakudya vya mwina:
Ikava kenga tunkutenda imbande imwe Yeova, magwalilo letu lavaikidile lave dashi?
Wako wona kenga ituvaikidile tutanane mwatugwalila muwakati watuka ku mikutano au ku kwandadya ntenga? Mwaa wa nyamani?
5. Mwashi mwakumidya wamushi wambone kwaupande wa dinguvo na kulitataliyanga
Dinguvo dyetu hadivaikidile dive dyaibei ikumene, kanji divaikidile dive dyambone na digwanie na lyutu lyatuvele. Shomya 1 Vakolintu 10:24 na 1 Timoti 2:9, 10. Badae, mwambangile mwaa shitutadya hatunagwale . . .
dinguvo dyakunyata na dikavaikidile.
dinguvo dyakulibana, dilodya dimbande dyamili au divatadya vanu kuvanavo makumbukililo lakulauka.
Kala, Yeova andívapa malamulo venentete vake kupitila kumwe Musha. Vaklistu haivavaikidile vaigwilile malamulo alo, kanji malamulo alo lankutupwashela kumanya maoni lamwe Yeova. Shomya Kumbukumbu 22:5, na badae mwambangile mwaa shakudya sha mwina:
Mwaa shani ituvaikidile tunyeme ntindo wadinguvo na mwatukandyangidya ugwimbu untadya nnume kuva kenga nkongwe na nkongwe kuva kenga nnume?
Shomya 1 Vakolintu 10:32, 33 na 1 Nshuwau 2:15, 16, na badae mwambangile mwaa vyakudya vya mwina:
Mwaa shani ituvaikidile tunyeme magwalilo lalota kuvatadya vanu kulikuvala pashipinga au ku isemu yatunama?
Inamuna shani yadinguvo dinagwaleka ku isemu yaunama?
Wako wona kenga inamuna yadinguvo adyo ni dyambone kwa Vaklistu? Mwaa wa nyamani?
Tunkuulula kugwala na kulitataliyanga mu inamuna yakuvilingananga bila kuleka kumpuwangidya Yeova
VANU VANJI VANKUSHIDONI: “Ninkuvanavo aki yakugwala inamuna yoeyoe yadinguvo yangulota.”
Wako unkuungila nkono makumbukililo alo? Mwaa wa nyamani?
KWAUNGWIPI
Tukaumya wamushi wambone kwaupande wadinguvo, tunalodya kenga tunkumwishimu Yeova na vanu vanji.
Tukumbukilange
Mwaa shani inamuna yatugwala na mwatulitataliangidya ni shinu shikumene kumwe Yeova?
Malamulo shani ákabadilika lalota kutupwashela kumya wamushi wakugwala na wakulitataliyanga?
Magwalilo letu lalota kwambukisha dashi maoni la vanu vanji kwaupande wakulipudya kwiu?
LIPUNDISHE
Manya mwashi dinguvo dyako mwadilota kwambukisha maoni la vanu vanji kwaupande wako.
“Mwonekano Wangu Unanitambulishaje?” (Makala iliyo kwenye mtandao)
Lola mwaa shani ni shambone kukumbukila shana ukanava kutenda tatuagem.
“Biblia Inasema Nini Kuhusu Kujichanja Chale?” (Makala iliyo kwenye mtandao)
Lola malamulo ákabadilika lanji lalota kutupwashela kumanya nyamani shituvaikidile tugwale.
“Je, Mtindo Wako wa Mavazi Unamtukuza Mungu?” (Mnara wa Mlinzi, Septemba 2016)
Nkongwe jumo ashilota kumpuwangidya Nnungu, aukile ndalipundisha dashi kwishimu maoni a vanu vanji kwaupande wakugwala?
“Mavazi na Mapambo Yalinizuia Kufanya Maendeleo” (Amkeni!, Desemba 22, 2003)