Juzué
12 Kes-li é kes rei di kes téra ki israelitas vense i ki es toma ses téra na ladu lésti di Jurdon, désdi vali* di Arnon ti monti Ermon, i tudu ladu lésti di Arabá: 2 Sion, rei di kes amoreu, ki ta moraba na Esbon, ta governaba sidadi di Aroer, ki ta fikaba na bera di vali di Arnon. Tudu kel lugar na meiu di vali di Arnon ti vali di Jaboki éra di sel. El ta governaba metadi di Jiliade. Jaboki tanbê éra frontera di kes amonita. 3 Tanbê, el ta governaba Arabá, ti ladu lésti di mar di Kinerete* i ti ladu lésti di mar di Arabá, kel mar Salgadu,* na direson di Bete-Jezimote, i pa sul, na pé di kes ladera di Pisga.
4 Tanbê, es toma tiritóriu di Ogi, rei di Bazan, ki éra un di kes últimu refain, i ki ta moraba na Astarote i na Edrei. 5 El ta governaba monti Ermon, na Salká, i Bazan interu, ti limiti di tiritóriu di kes jezurita i di kes makatita, i tanbê metadi di Jiliade, ti tiritóriu di Sion, rei di Esbon.
6 Muizés, sérvu di Jeová, i kes israelita vense-s. Dipôs Muizés, sérvu di Jeová, da ses téra pa ser di kes rubenita, di kes gadita i di metadi tribu di Manasés.
7 Kes-li é kes rei di kes téra ki Juzué i kes israelita vense na ladu oésti di Jurdon, désdi Baal-Gade, na vali di Líbanu, ti monti Alaki, ki ta subi pa Seir. Juzué da kel téra pa ser di kes tribu di Israel i el dividi-s entri es, 8 na kes zóna ki ten montanha, na Sefelá, na Arabá, na kes ladera, na dizértu i na Negebe, kel téra di kes itita, di kes amoreu, di kes kananeu, di kes perizeu, di kes eveu i di kes jebuzeu:
9 Rei di Jerikó, un; rei di Ai, ki ta fikaba na ladu di Betel, un;
10 rei di Jiruzalen, un; rei di Ebron, un;
11 rei di Jarmute, un; rei di Lakis, un;
12 rei di Eglon, un; rei di Jezer, un;
13 rei di Debir, un; rei di Jeder, un;
14 rei di Ormá, un; rei di Arade, un;
15 rei di Libna, un; rei di Adulon, un;
16 rei di Makedá, un; rei di Betel, un;
17 rei di Tapua, un; rei di Éfer, un;
18 rei di Afeki, un; rei di Lasaron, un;
19 rei di Madon, un; rei di Azor, un;
20 rei di Sinron-Meron, un; rei di Aksafe, un;
21 rei di Tanaki, un; rei di Mejidu, un;
22 rei di Kedes, un; rei di Joknion, na Karmelu, un;
23 rei di Dor, na kes ladera di Dor, un; rei di Goin, na Jilgal, un;
24 rei di Tirza, un. Pa tudu es éra 31 rei.