Primeru livru di Krónikas
3 Kes-li é kes fidju di Davidi ki nase na Ebron. Kel primeru éra Amnon, i se mai éra Ainoan, di Jesriel. Kel sugundu éra Daniel, i se mai éra Abigail, di Karmelu. 2 Kel tirseru éra Absalon, fidju di Maká. Maká éra fidju-fémia di Talmai, rei di Jezur. Kel kuartu éra Adonias, fidju di Ajite. 3 Kel kintu éra Sefatias, i se mai éra Abital. Kel séstu éra Itreon, i se mai éra Eglá, mudjer di Davidi. 4 Kes 6 fidju di Davidi li nase na Ebron. El governa la duránti 7 anu i 6 mês. I na Jiruzalen el governa duránti 33 anu.
5 Kes fidju di Davidi ki nase na Jiruzalen éra Simeia, Sobabe, Natan i Salumon. Ses mai éra Batiseba, fidju-fémia di Amiel. 6 Kes otu 9 fidju éra Ibar, Elizama, Elifelete, 7 Noga, Nefege, Jafia, 8 Elizama, Eliada i Elifelete. 9 Tudu kes-li éra kes fidju di Davidi, alén di kes fidju ki el tevi ku kes konkubina, i Tamar éra ses irman.
10 Salumon tevi un fidju ki txomaba Rubuon. Rubuon éra pai di Abias. Abias éra pai di Aza. Aza éra pai di Jeozafá. 11 Jeozafá éra pai di Jeoron. Jeoron éra pai di Akazias. Akazias éra pai di Jeoás. 12 Jeoás éra pai di Amazias. Amazias éra pai di Azarias. Azarias éra pai di Joton. 13 Joton éra pai di Akás. Akás éra pai di Ezekias. Ezekias éra pai di Manasés. 14 Manasés éra pai di Amon. Amon éra pai di Juzias. 15 Kes-li éra kes fidju di Juzias. Primeru éra Joanan, sugundu éra Jeoiakin, tirseru éra Zedekias i kuartu éra Salun. 16 Jeoiakin tevi un fidju ki txomaba Jekonias. Jekonias tevi un fidju ki txomaba Zedekias. 17 Kantu Jekonias staba prézu, tanbê el tevi otus fidju. Es éra Sealtiel, 18 Malkiron, Pedaías, Senazar, Jekamias, Ozama i Nedabias. 19 Kes fidju di Pedaías éra Zorobabel i Simei. I kes fidju di Zorobabel éra Mezulon i Ananias (i Selomite éra fidju-fémia di Zorobabel). 20 Kes otu sinku fidju éra Azubá, Oel, Berekias, Azadias i Juzabe-Ezede. 21 Kes fidju di Ananias éra Pelatias i Jezaías. Fidju* di Jezaías éra Refaías. Fidju* di Refaías éra Arnan. Fidju* di Arnan éra Obadias. Fidju* di Obadias éra Sekanias. 22 Kes disendenti* di Sekanias éra Semaías i kes fidju di Semaías: Atuxi, Igal, Barias, Nearias i Sefate. Pa tudu es éra 6. 23 Nearias tevi três fidju: Elioenai, Ezekias i Asrikon. 24 Elioenai tevi 7 fidju: Odavias, Eliazibe, Pelaías, Akube, Joanan, Delaías i Ananí.