Primeru livru di Krónikas

25 Alén di kel-li, Davidi i kes xéfi di grupu di sirvisu di ténplu skodje alguns di kes fidju di Azafe, di Eman i di Jedutun, pa lova Deus* ku arpa, ku instrumentus di kórda i ku sínbalu.* Kel-li é lista di kes ómi ki skodjedu pa faze kel sirvisu li: 2 di kes fidju di Azafe: Zakur, Juzé, Netanias i Azarela. Kes ómi li ta sirbiba dibaxu di orientason di ses pai Azafe. Azafe ta profetizaba dibaxu di orientason di rei. 3 Di kes fidju di Jedutun: Jedalias, Zeri, Jezaías, Simei, Azabias i Matitias. Es éra 6 ki ta sirbiba dibaxu di orientason di ses pai Jedutun. Jedutun ta profetizaba ku arpa pa agradese i pa lova Jeová. 4 Di kes fidju di Eman: Bukias, Matanias, Uziel, Sebuel, Jerimote, Ananias, Anani, Eliata, Jidalti, Romanti-Ezer, Josbekaza, Maloti, Otir i Maziote. 5 Tudu kes ómi li éra fidju di Eman. Eman éra videnti* di rei. El ta flaba rei kes vizon ki tinha mensajen di Deus verdaderu, asi tudu glória ta baba pa Deus.* Deus verdaderu da Eman 14 fidju matxu i 3 fidju-fémia. 6 Tudu kes ómi li ta kantaba na kaza di Jeová, dibaxu di orientason di ses pai. Es ta kantaba ku sínbalu, instrumentus di kórda i arpa. Éra kel sirvisu li ki es ta fazeba na kaza di Deus verdaderu.

Azafe, Jedutun i Eman ta sirbiba dibaxu di orientason di rei.

7 Kes ómi li i ses irmon* éra bon na kanta. Es éra trenadu pa kanta pa Jeová, i es éra 288. 8 Nton, es bota sórti pa sabe ki trabadju ki kada un di es ta fazeba. Es faze kel-li ku kes más jóven i ku kes di más idadi, ku kes ki éra bon na kanta i ku kes ki staba ta prende.

9 Kantu es bota sórti, kel primeru kai na Juzé, fidju di Azafe; kel sugundu kai na Jedalias (el ku ses família* i ses fidju éra 12); 10 kel tirseru kai na Zakur, Zakur ku ses fidju i ses família éra 12; 11 kel kuartu kai na Izri, Izri ku ses fidju i ses família éra 12; 12 kel kintu kai na Netanias, Netanias ku ses fidju i ses família éra 12; 13 kel sestu kai na Bukias, Bukias ku ses fidju i ses família éra 12; 14 kel sétimu kai na Jezarela, Jezarela ku ses fidju i ses família éra 12; 15 kel oitavu kai na Jezaías, Jezaías ku ses fidju i ses família éra 12; 16 kel nonu kai na Matanias, Matanias ku ses fidju i ses família éra 12; 17 kel désimu kai na Simei, Simei ku ses fidju i ses família éra 12; 18 kel désimu primeru kai na Azarel, Azarel ku ses fidju i ses família éra 12; 19 kel désimu sugundu kai na Azabias, Azabias ku ses fidju i ses família éra 12; 20 kel désimu tirseru kai na Subael, Subael ku ses fidju i ses família éra 12; 21 kel désimu kuartu kai na Matitias, Matitias ku ses fidju i ses família éra 12; 22 kel désimu kintu kai na Jeremote, Jeremote ku ses fidju i ses família éra 12; 23 kel désimu sestu kai na Ananias, Ananias ku ses fidju i ses família éra 12; 24 kel désimu sétimu kai na Josbekaza, Josbekaza ku ses fidju i ses família éra 12; 25 kel désimu oitavu kai na Anani, Anani ku ses fidju i ses família éra 12; 26 kel désimu nonu kai na Maloti, Maloti ku ses fidju i ses família éra 12; 27 kel vijézimu kai na Eliata, Eliata ku ses fidju i ses família éra 12; 28 kel vijézimu primeru kai na Otir, Otir ku ses fidju i ses família éra 12; 29 kel vijézimu sugundu kai na Jidalti, Jidalti ku ses fidju i ses família éra 12; 30 kel vijézimu tirseru kai na Maziote, Maziote ku ses fidju i ses família éra 12; 31 i kel vijézimu kuartu kai na Romanti-Ezer, Romanti-Ezer ku ses fidju i ses família éra 12.