VIVE SIMA UN KRISTON
Speransa ta da-nu alegria
Speransa é sima un ánkura ô fúndia di barku. (He 6:19) El ta djuda-nu ten un fé fórti óras ki nu sta ta pasa pa prublémas, sima un barku pode ka bai fundu na tenpestadi na mar pamodi ánkura ta aguenta-l. (1Ti 1:18, 19) Prublémas sima diziluzon, perde kuzas di valor ki nu ten, duénsa ki ka ten kura, mórti di algen ki nu ta ama ô kalker otu kuza ki ta poi nos lialdadi na próva pode ser sima tenpestadi na mar.
Fé i speransa ta djuda-nu ten sertéza di kes benson ki nu prometedu. (2Co 4:16-18; He 11:13, 26, 27) Ka ta nporta si nos speransa é di vive na Séu ô na Téra, nu meste studa Palavra di Deus sénpri i pensa txeu na promésas ki sta na Bíblia. Asi, óras ki nu sta dizanimadu pamodi prublémas ta ser más fásil nu mante nos alegria. — 1Pe 1:6, 7.
ODJA VÍDIU ALEGREM-SE NA ESPERANÇA I DIPÔS RESPONDE KES PERGUNTA LI:
Pamodi ki Muizes é un bon izénplu pa nu imita?
Ki responsabilidadi ki xéfis di família ten?
Ki asuntu nhos pode studa na adorason na família?
Modi ki nhos speransa ta djuda nhos lida ku prublémas ku kunfiansa?
Kuzê ki nhos ta spéra di futuru?