Modi ki ta uzadu folhetu Obi ku Deus

Folhetu Obi ku Deus fazedu pa inxina kes verdadi prinsipal di Bíblia pa kes algen ki ten difikuldadi na lé. Kada lison ten dôs pájina i es ten dizenhu ben priparadu i sétas ki ta orienta-nu pa nu pasa di un dizenhu pa kel otu.

Folhetu Obi ku Deus pa bu vive pa tudu ténpu ten mésmus dizenhu ki sta na folhetu Obi ku Deus. Má kel primeru ten más frazis i nu pode uza-l ku studantis ki ta lé un bokadinhu. Txeu publikador gosta más di uza folhetu Obi ku Deus pa bu vive pa tudu ténpu pa inxina sikrê studanti sta ta uza folhetu Obi ku Deus. Txeu di kes pájina ten un kuadru ku otus informason ki nu pode analiza konfórmi kapasidadi di studanti.

Bu pode oferese es folhetu kalker óra, sikrê el é ka oférta di mês. Óras ki bu ta faze un studu di Bíblia, uza gravura pa splika kes testu di Bíblia. Faze perguntas ki ta poi studanti pâpia i ki ta da-u sertéza ma dja el ntende. Lé i analiza testus di Bíblia ki sta na fin di pájina. Óras ki studu na folhetu kaba, pasa pa livru Kuzê ki nu pode prende na Bíblia? pa djuda studanti faze prugrésu pa batiza.