VIVE SIMA UN KRISTON

Bu pode djuda un irmon inativu

Un pastor ta tenta salva se ovelha ki perde

Na térsa-fera, dia 11 di abril, txeu irmon inativu ta bai sisti Komemorason. Es é pesoas ki kumesa ta anda na kaminhu pa vida, má pa txeu motivu es para. Alguns di kes motivu sta na folhetu Volte para Jeová. (He 12:1) Má simé, kes inativu ten txeu valor pa Jeová, pamodi el kunpra-s ku sangi di se Fidju. (At 20:28; 1Pe 1:18, 19) Modi ki nu pode djuda-s volta pa kongregason?

Ansions di kongregason ta djobe i ta djuda kes inativu, sima un pastor sienti ta djobe kes ovelha ki perde. (Lu 15:4-7) Kel-li ta mostra ma Jeová ta kuida di se povu ku amor. (Je 23:3, 4) É ka sô ansions ki pode faze kel-li, nos tudu nu pode djuda irmons inativu. Jeová ta fika kontenti di odja sforsu ki nu ta faze pa mostra nos amor i amizadi pa kes irmon inativu. Kel-li ta traze txeu alegria. (Pr 19:17; At 20:35) Pur isu, pensa na kenha ki bu pode djuda i ka bu dura ki djuda-s!

Laura ta djobe na janéla, Abbey ta ora, Abbey ku Laura ta tra fotu nbrasadu

ODJA VÍDIU AJUDAR OS INATIVOS I DIPÔS RESPONDE KES PERGUNTA LI:

Kuzê ki Abbey faze kantu el nkontra ku un Tistimunha di Jeová ki el ka konxeba?
Pamodi ki nu debe pâpia ku ansions si nu sta pensa djuda un algen ki sta inativu?
Modi ki Abbey pripara pa bai vizita Laura na sugundu bês?
Modi ki Abbey mostra paxénxa, amor i el insisti ku Laura kantu el staba ta tenta djuda-l?
Kuzê ki nu pode prende di ilustrason di Jizus ki nu ta atxa na Lucas 15:8-10?
Ki bensons Abbey resebe pamodi el sforsa pa djuda Laura?