VIVE SIMA UN KRISTON
Na ki mês N pode ser pioneru ajudanti?
Na vizon di ténplu ki Ezekiel odja, ta mostra ma povu di Jeová ta ofereseba sakrifisius di livri vontadi. Modi ki kada un di nos pode oferese Jeová sakrifisius di lovor? — He 13:15, 16.
Un di kes manera é ser pioneru ajudanti. Na anu di sirvisu di 2018 ta ben ten txeu mês ku sinku sábadu i sinku dumingu. Kel-li ta ben ser un bon oportunidadi pa kes algen ki ta trabadja dia interu i ki ta kustuma sai na pregason sô na fin di simana. Tanbê publikadoris pode skodje faze 30 ô 50 óra duránti mês di marsu ku abril i na mês ki Enkaregadu di grupu di kongregason ta vizita ses kongregason.
I si nos situason ka ta da pa nu ser pioneru ajudanti? Nu pode sforsa pa nu midjora nos manera di prega i trabadja más txeu na pregason. Ka ta nporta nos situason, pamodi nos amor pa Jeová nu ta sforsa pa nu faze nos midjór duránti anu di sirvisu di 2018. — Os 14:2.
Modi ki N pode imita zelu i sforsu di Sabina Hernández?
ODJA VÍDIU COM JEOVÁ, EU POSSO FAZER QUASE TUDO. DIPÔS RESPONDE KES PERGUNTA LI:
Kuzê ki poi Sabina ta trabadja más txeu na pregason?
Modi ki izénplu di Sabina ta da-nu koraji?
Duránti anu di sirvisu di 2018, na ki mês bu ta konsigi ser pioneru ajudanti?