Kuzê ki nu ten ki faze pa nu ser sigidor di Jizus?

9:62

Sima un agrikultor ki sta uza aradu meste presta atenson pa faze un régu rétu, un kriston tanbê meste presta atenson pa el ka distrai ku kuzas di mundu ki el dexa pa tras. — Fil 3:13.

Óras ki nu ta pasa pa algun prubléma, nu pode xinti sodadi di kes ténpu antis di nu konxeba verdadi i kel-la pode pô-nu ta pensa ma vida éra más fásil. I txeu bês nu ta pensa más na alegria ki ta parse ma nu tinha, di ki na kes prubléma ki nu pasa pa es. É kel-la ki kontise ku israelitas dipôs ki es sai di Ijitu. (Núm 11:5, 6) Si nu fika ta pensa na kel vida ki nu tinha antis di nu konxeba verdadi, kel-li pode pô-nu kai na tentason di krê volta pa kel vida. Nton kuzê ki nu debe faze é pensa na bensons ki nu ten gósi i konsentra na alegria ki nu ta ben ten dibaxu di Reinu di Deus! — 2Co 4:16-18.