‘Nu ka ta dizisti’

4:16-18

Imajina ma dôs família sta ta mora na mésmu prédiu ki sta bédju i stragadu. Un di kes família ten razon pa sta dizusperadu, má é stranhu odja ma kel otu família sta kontenti. Pamodi? Pamodi ka ta dura kel família ta ben muda pa un kaza novu i bunitu.

Nbóra ‘ti gósi tudu kriason sta kontinua ta jeme i ta xinti dór’, sérvus di Jeová ten un speransa ki ta djuda-s aguenta. (Ro 8:22) Nu sabe ma kes prubléma ki nu ta pasa pa es oji, mésmu kes ki dja dura ta kastiga-nu, es ta ‘dura poku i es é lébi’ óras ki nu konpara-s ku vida pa tudu ténpu na mundu novu di Deus. Si nu konsentra na kes benson ki Reinu ta ben traze na futuru, es ta djuda-nu xinti alegria i forsa pa nu ka dizisti.