TIZORUS DI PALAVRA DI DEUS | GÉNESIS 15-17

Pamodi ki Jeová muda nómi di Abron ku Sarai?

Pa Jeová, Abron éra un ómi ki ka tinha ninhun kulpa. Kantu el da Abron más informason sobri Se promésa, el muda nómi di Abron ku Sarai. Kes nómi ta mostraba kuzê ki ta ben kontiseba na futuru.

Sima ses nómi ta mostra, Abraon bira pai di txeu nason i Sara bira mai di reis, ô el tevi disendentis ki bira rei.

Abraon

Pai di un monti algen
Sara

Prinséza

Fotus: Un irman jóven ta faze prugrésu spritual. 1. El sta ta batiza. 2. El sta ta faze un diziginason na runion na meiu di simana. 3. El sta ta mostra un vídiu pa un mudjer na pregason.

Nu ka ta pode skodje nos nómi óras ki nu nase. Má sima Abraon ku Sara, nu pode sforsa pa nu ser konxedu kómu algen dretu. Pergunta bu kabésa:

‘Kuzê ki N pode faze pa Jeová odja ma ami é un algen ki ka ten ninhun kulpa?’
‘Kuzê ki Jeová ta atxa di mi?’