Kenha ki N ta konvida?

Tudu anu, nu ta sforsa pa konvida algen na nos tiritóriu pa sisti Komemorason di mórti di Jizus. Nu ka konxe txeu di kes algen ki nu ta konvida. Má nu debe konvida kes algen ki nu konxe tanbê. Ten más xansi di un algen sisti Komemorason óras ki el resebe konviti di un algen ki el konxe. (yb08 -T p. 11 par. 3; p. 14 par. 1) Kenha ki bu pode konvida?

• Família

• Kolégas di trabadju ô di skóla

• Vizinhus

• Studantis, kes algen ki dja kustuma studa i revizitas

Ansions tanbê ta konvida kes algen ki sta inativu. Má, i si kel algen ka ta mora na bu tiritóriu? Tenta diskubri óra i lugar di Komemorason más pértu di undi ki el ta mora. Bu pode bai na pájina prinsipal di nos site jw.org, klika na NOS ORGANIZASON i na “Komemorason”. Timenti bu ta pripara pa Komemorason di kel anu li, pensa na kenha ki bu krê konvida i dipôs konvida-s.