VIVE SIMA UN KRISTON

Prende ku kes irmon ki dja ten txeu ténpu ta sirbi Jeová

Na nos organizason ten irmons ki dja ten monti anu ta sirbi Jeová. Nu pode prende txeu di ses kunfiansa na Jeová. Nu pode fla-s pa es konta-nu stória di organizason di Jeová, prublémas ki es pasa i modi ki Jeová djuda-s. Nu pode ti konvida un di kes irmon li pa nos Adorason na família i pidi-s pa es konta-nu alguns spiriénsa.

Si dja bu ten txeu ténpu ta sirbi Jeová, ka bu dexa di pâpia sobri bu fé ku kes irmon más jóven di bu kongregason. Jakó ku Juzé konta ses spiriénsa pa kes algen más jóven di ses família. (Gén 48:21, 22; 50:24, 25) Dipôs Jeová fla kes xéfi di família di Israel di ténpu antigu pa es inxina ses fidjus sobri kes kuza grandi ki El faze. (De 4:9, 10; Sal 78:4-7) Di mésmu manera, oji pai ku mai i otus irmon na kongregason pode konta kes más jóven kes kuza sábi ki dja es odja Jeová ta faze através di se organizason.

ODJA VÍDIU ES MANTE UNIDU NA TÉNPU DI PIRSIGISON. DIPÔS RESPONDE KES PERGUNTA LI:

Modi ki filial di Áustria djuda nos irmons na alguns país undi ki nos trabadju éra proibidu?
Modi ki irmons na kes país konsigi mante ses fé fórti?
Pamodi ki txeu irmon na Ruménia sipara di organizason di Jeová, i modi ki es volta otu bês?
Modi ki kes spiriénsa li bira bu fé más fórti?

Fotus: Sénas di vídiu ‘Es mante unidu na ténpu di pirsigison’. 1. Un mapa ta mostra kes país ki nos trabadju staba proibidu na Europa Oriental. 2. Un mákina di mimeografia. 3. Irmons di Ruménia ta brasa kunpanheru. — Bu pode prende txeu kuza di valor ku kes irmon ki dja ten txeu ténpu ta sirbi Jeová!