Aguenta firmi, fin sta kuazi ta txiga

PAMODI KI É INPORTANTI: Ka ta dura, ta ben kontise kuzas ki pode da algen medu i nu ta ben meste mostra koraji i kunfiansa na Jeová di un manera ki nunka nu ka mostraba antis. Grandi tribulason ta ben kumesa óras ki relijion falsu distruídu. (Mt 24:21; Ap 17:16, 17) Duránti kel ténpu difísil la, nu pode ben prega un mensaji duru di julgamentu. (Ap 16:21) Gogi di Magogi ta ben ataka-nu. (Ez 38:10-12, 14-16) Pa difende se povu, Jeová ta ben traze kel ‘géra di grandi dia di Deus, Tudu-Poderozu.’ (Ap 16:14, 16) Pa djuda-nu ten más koraji óras ki kes kuza li ben kontise na futuru, nu meste aguenta firmi gósi óras ki nu ta pasa pa próvas di fé.

MODI KI TA FAZEDU:

• Ku koraji difende i vive sima lei di Jeová ta fla. — Is 5:20.

• Kontinua ta adora Jeová djuntu ku bus irmon. — He 10:24, 25.

• Sigi lógu kes orientason ki organizason di Jeová ta da. — He 13:17.

• Midita na modi ki Jeová salva se povu na pasadu. — 2Pe 2:9.

• Ora pa Jeová i kunfia na el. — Sal 112:7, 8.

ODJA VÍDIU KUZAS KI TA BEN KONTISE NA FUTURU KI TA IZIJI KORAJI — SÔ UN PÁRTI. DIPÔS RESPONDE KES PERGUNTA LI:

• 

  Modi ki obidiensa di kes irmon podu na próva kantu es mandadu pa otu kongregason?

• 

  Modi ki koraji i obidiensa sta ligadu ku kunpanheru?

• 

  Pamodi ki nu ta meste ten koraji na Armajedon?

• 

  Ki stória di Bíblia pode djuda-nu bira nos fé más fórti na puder ki Jeová ten pa salva-nu? — 2Cr 20:1-24.