Midjora bu manera di prega — Da tistimunhu pa interfóni

PAMODI KI É INPORTANTI: Dja ki tekinolojia sta ta midjora i krimi sta ta omenta, txeu algen gósi ten interfóni na kaza. Nu pode xinti medu di da tistimunhu pa un algen ki nu ka sta odja má ki sta odja-nu. Nu sta ben odja alguns kuza ki ta djuda-nu da tistimunhu pa interfóni ku más kunfiansa.

MODI KI TA FAZEDU:

• Ser puzitivu. Txeu algen ki ten interfóni ta krê pâpia ku nos.

• Ka bu skese ma alguns interfóni ki ta filma pode kumesa ta filma antis di bu toka, i ma óras ki bu sta pértu di pórta kel algen pode sta ta odja-u i ta obi-u.

• Óras ki kel algen responde, pâpia na interfóni sima si kel algen sta bu frenti. Da un sorizu i faze jéstu sima ki bu ta kustuma faze. Faze kel mésmu aprizentason ki dja bu pensaba na faze si kel algen abriba pórta. Si interfóni sta ta filma, ka bu poi róstu pértu dimás di el. Si kel algen ka responde, ka bu dexa mensájen.

• Lenbra ma mésmu dipôs di tirmina konbérsu kel algen pode kontinua ta odja-u i ta obi-u.