Pamodi ki es ta fazeba ofértas

1:3; 2:1, 12; 3:1

Lei ta izijiba pa israelitas fazeba txeu tipu di ofértas ô sakrifisius pa Jeová. Kes oférta ta poba Jeová ta fika kontenti. Es ta reprizentaba sakrifisiu di resgati di Jizus ô kes benson ki kel sakrifisiu li ta da-nu. — He 8:3-5; 9:9; 10:5-10.

• Kes animal ki es ta ofereseba tinha ki ser sen defetu i ku bon saúdi. Di mésmu manera, Jizus da se korpu perfetu, sen defetu kómu sakrifisiu. — 1Pe 1:18, 19.

• Na kes oférta kemadu es ta ofereseba kel animal interu. Di mésmu manera, Jizus oferese se korpu interu pa Jeová.

• Israelitas ta ofereseba sakrifisius di pas pa mostra ma es staba na pas ku Deus. Di mésmu manera, kes kriston skodjedu ku spritu santu ki ta kume pon i bebe vinhu na Komemorason di mórti di Jizus sta na pas ku Deus.