Proteje bu kazamentu

Pa Jeová kazamentu é un asuntu sériu i el krê pa maridu ku mudjer kunpri kel votu ki es faze. (Mt 19:5, 6) Na povu di Jeová nu ta atxa txeu kazal ki é filís. Má ninhun kazamentu é ka perfetu. É normal kontise prublémas. Na mundu, pesoas ta atxa ma é normal sipara ô divôrsia pa rezolve prublémas na kazamentu. Má nu ka debe pensa si. Nton, modi ki kes ki é kazadu pode proteje ses kazamentu?

Odja sinku kuza ki pode djuda.

1. Proteje bu korason di kuzas sima, mostra un tipu di interesi ki bu ka debe pa ken ki bu ka sta kazadu ku el i ka bu odja kuzas mariadu, pamodi es ta kaba ku bu kazamentu. — Mt 5:28; 2Pe 2:14.

2. Bira bu amizadi ku Deus más fórti i sforsa pa bu ten un kazamentu ki ta agrada-l. — Sal 97:10.

3. Kontinua ta bisti di kel manera di ser novu i pensa na kuzas pikinoti ki bu pode faze pa bu agrada bu maridu ô bu mudjer. — Col 3:8-10, 12-14.

4. Pâpia ku bu maridu ô ku bu mudjer di manera klaru i ku ruspetu. — Col 4:6.

5. Ku amor i karinhu da bu kunpanheru kel ki el ten direitu. — 1Co 7:3, 4; 10:24.

É Jeová ki kria kazamentu. Nton óras ki nu ta onra nos kazamentu, tanbê nu sta ta onra Jeová.

ODJA VÍDIU ‘KÓRE SEN DIZISTI’ — SIGI RÉGRAS DI KONPITISON. DIPÔS RESPONDE KES PERGUNTA LI:

• 

  Nbóra kazamentu pode kumesa dretu, ki prublémas pode kontise?

• 

  Modi ki prinsípius di Bíblia pode djuda kes ki ta atxa ma amor na ses kazamentu dja kaba?

• 

  Ki régras ki Jeová kria pa kazamentu?

• Kuzê ki maridu ku mudjer meste faze pa es ten un kazamentu filís?