Pâpia di kes notísia sábi di un mundu midjór!

Na mês di novénbru nu sta ben faze txeu sforsu pa pâpia di kes notísia sábi di un mundu midjór ki sta kuazi ta txiga. (Sal 37:10, 11; Ap 21:3-5) Faze un prugrama pa bu konsigi partisipa na kel kanpanha li. Si bu krê sirbi kómu pioneru ajudanti na mês di novénbru bu pode faze 30 ô 50 óra.

Pripara pa mostra un testu di Bíblia ki ta pâpia sobri mundu novu, pa tudu kes algen ki bu ta konsigi pâpia ku es. Óras ki bu ta skodje un testu, pensa na kuzê ki pode interesa pesoas na bu tiritóriu. Si un algen mostra interesi, da-l Sentinéla pa públiku nunbru 2 di 2021. Dipôs, lógu ki bu konsigi faze kel algen revizita, tenta kumesa un studu di Bíblia ku el na bruxura Vive filís pa tudu ténpu!. Ta ben ser un grandi priviléjiu partisipa na es kanpanha pa leba kes ‘notísia sábi di un kuza midjór’. — Is 52:7.

ODJA VÍDIU KEL MUNDU NOVU KI STA BEN. DIPÔS RESPONDE KES PERGUNTA LI:

• Ki kuzas sábi kel minininha na vídiu sta ta imajina?

• Kuzê ki bu tene más gana pa kontise na mundu novu?

• Pamodi ki pensa na speransa ki bu ten pa futuru, ta djuda-u faze tudu kel ki bu pode pa partisipa na kanpanha na mês di novénbru? — Lu 6:45