Bu ta djobe respóstas pa bus orason?

Na Bíblia nu ta atxa txeu izénplu di orason ki Jeová responde. Kantu kes sérvu di Deus odja modi ki Jeová obi ses preokupason i modi ki el djuda-s, ses fé bira más fórti. Pur isu, é inportanti nu ser dirétu na nos orason i dipôs tenta odja modi ki Jeová ta responde-nu. Lenbra ma respósta ki Jeová ta da-nu pode ser diferenti di kel ki nu pidi ô ti más di ki kel ki nu pidi. (2Co 12:7-9; Ef 3:20) Ki tipus di respósta Jeová pode da-nu?

• Forsa pa nu lida ku un prubléma. — Fil 4:13

• Sabedoria pa toma un bon disizon. — Tg 1:5

• Dizeju i forsa pa aji. — Fil 2:13

• Kalma óras ki nu sta preokupadu. — Fil 4:6, 7

• Otus algen ki ta djuda-nu ku kes kuza ki nu meste ô ki ta konsola-nu i nkoraja-nu. — 1Jo 3:17, 18

• Ajuda pa kes algen ki nu ta pâpia di es na orason. — At 12:5, 11

ODJA VÍDIU JEOVÁ É ‘KEL KI TA OBI ORASON’. DIPÔS RESPONDE KES PERGUNTA LI:

• Modi ki izénplu di irmon Takeshi pode nkoraja-nu, si nu ka ta pode faze txeu sima nu ta gostaba pamodi prublémas di saúdi?

• Modi ki nu pode imita izénplu di irmon Takeshi?