VIVE SIMA UN KRISTON

Bu sta priparadu kazu ben falta kes kuza ki nu meste na dia-dia?

Nu ka ta fika txeu spantadu óras ki nu ta odja txeu país ta ten prublémas na ikonomia pamodi alguns kuza ki sta kontise na mundu oji. Pamodi? Pamodi nu sta ta vive na fin di ténpu di fin. I Bíblia ta konsedja-nu pa nu ka poi nos speransa na ‘kes rikéza ki ka é sértu’. (1Ti 6:17; 2Ti 3:1) Kuzê ki izénplu di rei Jiozafá ta inxina-nu sobri sta priparadu kazu ben falta kes kuza ki nu meste na dia-dia?

Kantu kes nason inimigu amiasa Jiozafá, el kunfia na Jeová. (2Cr 20:9-12) Tanbê, Jiozafá dja priparaba povu antis, el faze muralhas na kes sidadi i el kria kanpamentus di trópas. (2Cr 17:1, 2, 12, 13) Sima Jiozafá, é bon nu kunfia na Jeová i pripara pa infrenta ténpus difísil.

KUZÊ KI NU PODE FAZE PA NU PRIPARA KAZU BEN FALTA KES KUZA KI NU MESTE NA DIA-DIA?

Kuida di nos amizadi ku Jeová: Sta kontenti ku kes kuza ki bu ten i kunfia na kapasidadi di Jeová, di da-u kes kuza ki bu meste pa kada dia (Mt 6:26; 1Ti 6:8) Sta disididu na ka viola kes prinsípiu di Bíblia sô pa bu pode ten kes kuza ki bu meste na dia-dia. (Ro 2:21) Analiza modi ki bu pode kontinua ta lé Bíblia i kes publikason ku bazi na Bíblia si bu fika sen lus ô internet. Skodje i guarda alguns publikason inprimidu, i si ta da, diskarega alguns publikason antis.

Otus kuza ki nu debe faze: Diminui dívidas i dispézas ki bu ta faze sen nisisidadi, antis di parse prublémas di dinheru. (Pr 22:7) Si ta da, guarda kumida i alguns kuza ki bu meste. Alguns algen talvês ta atxa ma é un bon ideia faze un órta pa es pode popa dinheru.

ODJA VÍDIU BU STA PRIPARADU PA UN DIZASTRI?. DIPÔS RESPONDE KES PERGUNTA LI:

Un párti di vídiu “Bu sta priparadu pa un dizastri?” Imajis ta mostra un Bíblia, un bólsa ku kuzas pa imerjénsia i un telemóvel i pesoas ta trabadja na konstruson.

Kuzê ki kada un di nos pode faze pa sta priparadu pa un dizastri?

Bu respósta

Un párti di vídiu “Bu sta priparadu pa un dizastri?” Dipôs di un dizastri, irmons sta ta djuda na konstruson i ta tra material di konstruson di un kamion.

Modi ki nu pode sta priparadu pa djuda otus algen?

Bu respósta