VIVE SIMA UN KRISTON
Kunfia na Jeová óras ki un algen ta faze-u abuzu
Óras ki algen ta faze-nu abuzu es pode prujudika nos korpu i pô-nu ta xinti tristi. Es pode ti prujudika nos amizadi ku Jeová, si nu fika ku medu óras ki es fika kóntra nos adorason. Modi ki bu pode proteje di abuzu di kolégas?
Txeu sérvu di Jeová, konsigi lida ku abuzu di otus algen pamodi es kunfia na Jeová. (Sal 18:17) Pur izénplu, Ester ka xinti medu di konta kes planu di kel ómi mau, ki txomaba Aman. (Est 7:1-6) Má, antis di faze kel-li, el mostra ma el ta kunfiaba na Jeová kantu el faze jejun. (Est 4:14-16) Pamodi kel-li, Jeová abensua-l i proteje Se povu.
Jóvens, si algen tenta faze nhos abuzu, nhos pidi ajuda di Jeová i nhos pâpia ku un algen maduru, sima nhos pai ku nhos mai. Nhos pode ten serteza ma sima Jeová djuda Ester, tanbê el ta djuda nhos. Kuzê más ki nhos pode faze pa lida ku abuzu di kolégas?
ODJA VÍDIU VIDA DI UN JÓVEN — MODI KI BU PODE LIDA KU ABUZU DI KOLÉGAS?. DIPÔS RESPONDE KES PERGUNTA LI:
Kuzê ki jóvens pode prende ku izénplu di Charlie i Ferin?
Kuzê ki pai ku mai pode prende ku Charlie i Ferin sobri modi ki es pode djuda ses fidjus lida ku abuzu di kolégas?