29 DI ABRIL TI 5 DI MAIU

SALMOS 34-35

Kántiku 10 i orason | Komentárius pa kumesa runion (1 min.)

TIZORUS DI PALAVRA DI DEUS

1. ‘Lova Jeová tudu óra’

(10 min.)

Davidi lova Jeová mésmu kantu el staba ta pasa pa prublémas. (Sal 34:1; w07-T 1/3 p. 22 par. 11)

Davidi pâpia di Jeová ku orgulhu, envês di ingaba se kabésa. (Sal 34:2-4; w07-T 1/3 p. 22 par. 13)

Kantu Davidi lova Jeová, el da se kunpanherus forsa. (Sal 34:5; w07-T 1/3 p. 23 par. 15)

Davidi sta ta pâpia ku se ómis na un kavérna.

Dipôs ki Abimeléki salva Davidi, 400 ómi ki ka staba kontenti ku govérnu di Saul ba fika ku Davidi na dizértu. (1Sa 22:1, 2) Talvês Davidi staba ta pensa na kes ómi kantu el skrebe kel Salmo li. — Djobe kes informason pa riba di Salmo 34.

PENSA NA KEL-LI: ‘Na kel otu runion, modi ki N pode lova Jeová óras ki N ta pâpia ku un algen?’

2. Jóias ki sta na Bíblia

(10 min.)

Sal 35:19 — Kuzê ki Davidi krê flaba kantu el pidi Jeová pa ka dexa kes ki ta odiaba el ‘piska odju’? (w06-T 15/5 p. 20 par. 1)

Bu respósta
Ki jóias bu atxa na leitura di Bíblia di kel simana li?

Bu respósta

3. Leitura di Bíblia

(4 min.) Sal 34:1-22 (th studu 5)

FAZE BU MIDJÓR NA PREGASON

4. Kumesa ta pâpia ku pesoas

(2 min.) TISTIMUNHU INFORMAL. Konbérsu ta tirmina antis di bu konsigi da tistimunhu. (lmd lison 1, pontu 4)

5. Faze revizitas

(4 min.) TISTIMUNHU INFORMAL. (lmd lison 2, pontu 4)

6. Splika bus krénsa

(5 min.) Dimonstrason. ijwfq artigu 59 — Téma: Modi ki Tistimunhas di Jeová ta disidi si es debe partisipa na alguns fésta i feriadus? (th studu 17)

VIVE SIMA UN KRISTON

Kántiku 59

7. Três manera di lova Jeová na runion

(15 min.) Diskursu i komentárius di ken ki sta sisti.

Dizenhus: Un irman sta ta lova Jeová na runion. 1. El sta ta pâpia ku dôs irman antis di runion. 2. El sta ta da komentáriu. 3. El sta ta kanta di manera animadu na runion.

Nu ten bons oportunidadi di lova Jeová na nos runion. Nu ben odja três di es.

Pâpia ku otus algen: Pâpia ku otus algen sobri bondadi di Jeová. (Sal 145:1, 7) Bu obi ô bu lé algun kuza ki djuda-u? Bu tevi un spiriénsia sábi na pregason? Un algen fla ô faze algun kuza ki da-u koraji? Bu odja algun kuza na kriason ki dexa-u dimiradu? Tudu kes kuza li é prezenti di Jeová. (Tg 1:17) Tenta txiga alguns minutu antis di runion kumesa asi pa bu pode pâpia ku otus algen.

Da komentáriu: Tenta da peloménus un komentáriu na kada runion. (Sal 26:12) Bu pode da respósta dirétu di kel pergunta, pâpia di un otu pontu di parágrafu, pâpia di un testu di Bíblia, di un dizenhu ô fotu, ô di un lison ki nu pode prende. Dja ki otus algen pode labanta mô tanbê, pripara más di ki un komentáriu. Si nu ta da komentáriu na 30 sugundu ô ménus, más algen ta konsigi “oferese Deus un sakrifisiu di lovor”. — Eb 13:15.

Kanta: Kanta kántikus di manera animadu. (Sal 147:1) Talvês bu pode ka dadu komentáriu na kada runion, prinsipalmenti na un kongregason grandi. Má, bu pode kanta sénpri na runion. Sikrê bu ta atxa ma bo é ka bon na kanta, óras ki bu ta faze bu midjór, bu pode ten serteza ma Jeová ta fika kontenti. (2Ko 8:12) Bu pode trena kes kántiku na kaza.

Mostra VÍDIU Nos organizason ka ta para — Múzika é un prezenti, párti 1. Dipôs faze kel pergunta li:

Modi ki nu mostra désdi komésu di nos organizason ma kanta pa Jeová é inportanti?

Bu respósta

8. Studu di Bíblia na kongregason

(30 min.) bt kap. 9 pars. 1-7, intruduson di párti 3 i kuadru na p. 70