6 TI 12 DI MAIU

SALMOS 36-37

Kántiku 87 i orason | Komentárius pa kumesa runion (1 min.)

TIZORUS DI PALAVRA DI DEUS

1. ‘Ka bu fika xatiadu pamodi kes algen mau’

(10 min.)

Kes algen mau ta poi otus algen ta xinti dór i ta sufri. (Sal 36:1-4; w17.04-T p. 10 par. 4)

Óras ki nu ta fika ku raiba di kes ‘algen mau’, nos tanbê nu ta fika prujudikadu. (Sal 37:1, 7, 8; w22.06 p. 10 par. 10)

Óras ki nu ta kunfia na promésas di Jeová nu ta xinti pas. (Sal 37:10, 11; w03-T 1/12 p. 13 par. 20)

Un irman sta preokupadu ta lé notísias na se telemóvel. El sta odja fotus di pesoas txeu xatiadu ta faze manifestason, un algen di pulísia ta seta subornu, trópas ta da tiru, un ómi armadu na lugar di para karu, ladrons ta karega kuzas ki es furta, revólta na país i bonberus na un lugar ki tevi asidenti di karu.

PENSA NA KEL-LI: ‘N ta preokupa dimás ku kes kuza mariadu ki ta dadu na notísia?’

2. Jóias ki sta na Bíblia

(10 min.)

Sal 36:6 — Kuzê ki talvês salmista krê flaba kantu el fla ma justisa di Deus é sima ‘montanhas grandi dimás’ [ô ‘sima montanhas di Deus’, nóta di rodapé]? (it-2-T p. 410)

Bu respósta
Ki jóias bu atxa na leitura di Bíblia di kel simana li?

Bu respósta

3. Leitura di Bíblia

(4 min.) Sal 37:1-26 (th studu 10)

FAZE BU MIDJÓR NA PREGASON

4. Kumesa ta pâpia ku pesoas

(3 min.) KAZA EN KAZA. (lmd lison 1, pontu 5)

5. Faze revizitas

(4 min.) TISTIMUNHU INFORMAL. Oferese studu di Bíblia pa un algen ki ka setaba un studu antis. (lmd lison 9, pontu 4)

6. Diskursu

(5 min.) ijwbv-TPO artigu 45 — Téma: Kuzê ki Salmo 37:4 ta siginifika? (th studu 13)

VIVE SIMA UN KRISTON

Kántiku 33

7. Bu sta priparadu pa ‘ténpus di frónta’?

(15 min.) Diskursu i komentárius di ken ki sta sisti.

Irmons ku irmans na mundu interu dja sufri pamodi es perde kes kuza ki es tinha i kes algen ki es ta ama móre pamodi dizastris na naturéza i pamodi kuzas ki ómis ta faze. (Sal 9:9, 10) Infilismenti, ‘ténpus di frónta’ pode kontise kalker óra. Pur isu, nos tudu nu meste sta priparadu pa nu lida ku kes prubléma.

Alén di pripara kes kuza ki nu ta meste,a kuzê más ki pode djuda-nu sta priparadu óras ki kontise un dizastri?

Pripara bu menti: Rekonhese ma disgrasas ta kontise i pensa na kuzê ki bu ta fazeba si kontise. Ka bu fika preokupadu dimás ku kuzas material. Kel-li ta djuda-u aji ku sabedoria i konsentra na tenta salva bu vida i vida di otus algen, envês di tenta salva bus kuza material. (Gén 19:16; Sal 36:9) Tanbê, ka fika preokupadu dimás ku kuzas material ta djuda-u ser ikilibradu i ka xinti txeu tristi pamodi bu perde kes kuza ki bu tinha. — Sal 37:19.
Bira bu amizadi ku Jeová más fórti: Kontinua ta kunfia ma Jeová pode djuda-u i ma el krê kuida di bo. (Sal 37:18) Antis di un disgrasa kontise, kontinua ta lenbra ma Jeová ta gia i ta djuda se sérvus, sikrê nu perde kes kuza ki nu ten, má nu salva nos vida. — Jer 45:5; Sal 37:23, 24.

Si nu ten serteza ma Jeová ta kunpri se promésas, nu ta dexa-l ser nos ‘proteson na ténpu di frónta.’ — Sal 37:39.

Dizenhus: Sénas di vídiu “Bu sta priparadu pa un dizastri?” 1. Un irmon sta lé Bíblia. 2. Óndias di un tsunami. 3. Núvens di un tenpistadi. 4. Pesoas sta pasa na txeia ta karega ses kuza.

Mostra VÍDIU Bu sta priparadu pa un dizastri?. Dipôs faze kes pergunta li:

Modi ki Jeová pode djuda-nu óras ki kontise un disgrasa?

Bu respósta
Ki kuzas nu pode faze pa nu sta priparadu?

Bu respósta
Modi ki nu pode djuda kes ki sta sufri pamodi un disgrasa?

Bu respósta

8. Studu di Bíblia na kongregason

(30 min.) bt kap. 9 pars. 8-16

Komentárius pa tirmina runion (3 min.) | Kántiku 57 i orason

a Odja Nhos korda! nunbru 5 di 2017, pájinas 4-6, na purtugês.