28 DI ABRIL TI 4 DI MAIU

PROVÉRBIOS 11

Kántiku 90 i orason | Komentárius pa kumesa runion (1 min.)

TIZORUS DI PALAVRA DI DEUS

1. Ka bu fla!

(10 min.)

Ka bu fla nada ki pode prujudika bu ‘prósimu’. (Pr 11:9; w02-T 15/5 p. 26 par. 4)

Ka bu fla nada ki pode dividi kongregason. (Pr 11:11; w02-T 15/5 p. 27 pars. 2-3)

Ka bu fla otus algen kuzê ki es ka debe sabe. (Pr 11:12, 13; w20.03 p. 22 pars. 12-13)

Dôs irmon sta ta pâpia ku kunpanheru na Salon di Reinu. Un di kes irmon sta ta pâpia mal di un irmon ki sta ta txiga pértu di es.

PENSA NA KEL-LI: Modi ki kuzê ki Jizus fla na Lukas 6:45 ta djuda-nu ka fla kuzas ki ta mágua otus algen?

2. Jóias ki sta na Bíblia

(10 min.)

Pr 11:17 — Modi ki mostra bondadi ta djuda-nu? (g20.1 p. 11, kuadru)

Bu respósta
Ki jóias bu atxa na leitura di Bíblia di kel simana li?

Bu respósta

3. Leitura di Bíblia

(4 min.) Pr 11:1-20 (th studu 5)

FAZE BU MIDJÓR NA PREGASON

4. Kumesa ta pâpia ku pesoas

(4 min.) TISTIMUNHU INFORMAL. Djobe un oportunidadi di fla kel algen un kuza ki bu prende na runion ka dura li. (lmd lison 2, pontu 4)

5. Faze revizitas

(4 min.) TISTIMUNHU INFORMAL. Uza un vídiu di nos Feraméntas Prinsipal pa Inxina. (lmd lison 8, pontu 3)

6. Faze disiplus

(4 min.) TISTIMUNHU NA PÚBLIKU. Oferese un studu di Bíblia i mostra modi ki el ta fazedu. (lmd lison 10, pontu 3)

VIVE SIMA UN KRISTON

Kántiku 157

7. Ka bu dexa bu língua kaba ku pas

(15 min.) Diskursu i komentárius di ken ki sta sisti.

Pamodi nos é inperfeitu, alvês nu ta fla kuzas mariadu. (Tg 3:8) Má, si nu pensa na kes prubléma ki nu pode ten óras ki nu fla kuzas mariadu, kel-li ta djuda-nu evita fla kuzas ki nu pode rapende dipôs. Kes-li é alguns manera di pâpia ki pode kaba ku pas na kongregason:

Ingaba bu kabésa. Kel manera di pâpia li pode poi otus algen ta krê konpiti ku bo ô ta xinti invéja di bo. — Pr 27:2.
Ser dizonéstu. Kel manera di pâpia li ka ta inklui sô konta mintira, má tanbê fla verdadi di manera ki ta ingana otus algen. Ti mésmu un mintira pikinoti pode pô-nu ta perde kunfiansa di otus algen i straga nos bon nómi. — Ec 10:1.
Pâpia mal di otus algen. Kel manera di pâpia li ta inklui fla kuzas mariadu sobri un algen ô sobri se vida sen konta tudu verdadi, ô konta kuzas di se vida ki otus algen ka debe sabe. (1Ti 5:13) Kel-li pode traze diskuson i divizon na kongregason.
Pâpia ku raiba. Kel manera di pâpia li ta inklui pâpia kuzas di manera diskontroladu kóntra un algen ki nu sta xatiadu ku el. (Ef 4:26) El pode mágua algen. — Pr 29:22.

Sénas di vídiu “ ‘Bandona’ kes kuza ki ta kaba ku pas — sô un párti”. 1. Emília i Sélia sta xintadu frenti kunpanheru na un lugar di toma kafé. Sélia sta uza un telemóvel pa djobe kuzê ki Ana poi na redi sosial. 2. Ana sta xatiadu ta pâpia ku Sélia na lugar di para karu na Salon di Reinu.

Mostra VÍDIU ‘Bandona’ kes kuza ki ta kaba ku pas — sô un párti. Dipôs faze kel pergunta li:

Modi ki nos manera di pâpia pode kaba ku pas na kongregason?

Bu respósta

Pa odja modi ki es rekupera pas, odja vídiu ‘Buska pas i inpenha pa el’.

8. Studu di Bíblia na kongregason

(30 min.) bt kap. 25 pars. 14-21