5 TI 11 DI MAIU

PROVÉRBIOS 12

Kántiku 101 i orason | Komentárius pa kumesa runion (1 min.)

TIZORUS DI PALAVRA DI DEUS

1. Trabadja duru ta djuda-nu ser filís

(10 min.)

Ka bu gasta bu ténpu ta kóre tras di kuzas sen valor. (Pr 12:11)

Trabadja duru i faze bu midjór. (Pr 12:24; lvs p. 204 par. 12)

Bu ta ser rekonpensadu pa bu trabadju duru. (Pr 12:14)

Fotus: Un irmon sta ta da se midjór na se trabadju di kanalizador, na runion i na pregason. 1. El sta ta anda ku ses feraménta. 2. El sta ta uza un txabi pa trabadja na un tubu grandi. 3. El sta ta sisti un runion djuntu ku se família. El ku se fidju-fémia pikinoti sta ta labanta mô pa da komentáriu. 4. El sta ta uza un folhetu pa da un ómi tistimunhu na lugar di poi gazulina na karu.

KONSEDJU: Trabadja duru ta da alegria óras ki nu ta konsentra na modi ki kel-li ta djuda otus algen. — At 20:35; g21.1 p. 8 par. 2.

2. Jóias ki sta na Bíblia

(10 min.)

Pr 12:25 — Modi ki nu pode uza palavras ki ten txeu puder pa djuda otus algen? (w24.09 p. 28 par. 10)

Bu respósta
Ki jóias bu atxa na leitura di Bíblia di kel simana li?

Bu respósta

3. Leitura di Bíblia

(4 min.) Pr 12:1-20 (th studu 5)

FAZE BU MIDJÓR NA PREGASON

4. Kumesa ta pâpia ku pesoas

(2 min.) KAZA EN KAZA. (lmd lison 1, pontu 4)

5. Kumesa ta pâpia ku pesoas

(3 min.) KAZA EN KAZA. Oferese un studu di Bíblia. (lmd lison 5, pontu 4)

6. Faze revizitas

(3 min.) TISTIMUNHU INFORMAL. Mostra un algen ki ten fidju nos pájina na internet.(lmd lison 9, pontu 3)

7. Splika bus krénsa

(3 min.) Dimonstrason. ijwfq artigu 3 — Téma: Tistimunhas di Jeová ta kridita ma es ki é relijion verdaderu? (lmd lison 4, pontu 3)

VIVE SIMA UN KRISTON

Kántiku 21

8. Jeová ta djuda-nu lida ku prublémas di dinheru

(15 min.) Diskursu i komentárius di ken ki sta sisti.

Bu sta preokupadu ma bu ta perde bu trabadju ô ma bu ka ta konsigi atxa trabadju? Ô talvês bu sta preokupadu ma bu ka ta konsigi ten kes kuza ki bu meste gósi ô óras ki bu bira algen grandi? Ikonomia di kel mundu li pode muda di un óra pa kel otu. Má Jeová ta da-nu serteza ma si nu pô-l na primeru lugar, sénpri el ta da-nu kes kuza ki nu meste. El ta faze kel-li sikrê kontise un kuza dirapenti ki ta inpidi-nu di ganha kel dinheru ki nu meste pa vive. — Sal 46:1-3; 127:2; Mt 6:31-33.

Un séna di vídiu “Jeová nunka ka bandona-nu”. Irmon Francisco tene mô di se mudjer pegadu timenti el sta faze orason ku se família.

Mostra VÍDIU Jeová nunka ka bandona-nu. Dipôs faze kel pergunta li:

Kuzê ki bu prende ku spiriénsia di irmon Francisco?

Bu respósta

Lé 1 Timótiu 5:8. Dipôs faze kel pergunta li:

Modi ki kel testu li ta fortalese bu kunfiansa ma Jeová sénpri ta da kes algen ki ta sirbi-l kes kuza ki es meste?

Bu respósta

Odja alguns konsedju di Bíblia ki pode djuda-u lida ku prublémas di dinheru:

Mante bu vida sinplis. Ka bu gasta dinheru ku kuzas ki bu ka meste i ka bu faze dívidas sen nisisidadi. — Mt 6:22.
Toma bons disizon sobri trabadju i skóla ki ta djuda-u poi bu adorason pa Jeová na primeru lugar.— Flp 1:9-11.
Ser umildi i sta prontu pa faze mudansa. Si bu perde trabadju, sta dispostu na seta otus tipu di trabadju. Pa bu pode sustenta bu família, seta ti kes trabadju más sinplis. — Pr 14:23.
Sta dispostu na dividi kes kuza ki bu ten ku otus algen, sikrê bu ka ten txeu. — Eb 13:16.

9. Studu di Bíblia na kongregason

(30 min.) bt kap. 26 pars. 1-8 i kuadrus na pp. 204, 208