9 TI 15 DI JUNHU
PROVÉRBIOS 17
Kántiku 157 i orason | Komentárius pa kumesa runion (1 min.)
Un kazal na Israel na ténpu antigu, sta kontenti ta kume pon na un lugar trankuilu.
1. Ten pas na bu kazamentu
(10 min.)
Nu meste sforsa pa nu mante pas, má bale péna. (Pr 17:1; odja dizenhu.)
Ka bu xatia ku kuzas pikinoti. (Pr 17:9; g-T 9/14 p. 11 par. 2)
Kontrola bu kabésa. (Pr 17:14; hf p. 10)
2. Jóias ki sta na Bíblia
(10 min.)
Pr 17:3 — Sima sta na kel testu li, pamodi ki nu meste proteje nos korason? (w23.06 p. 20 par. 3)
Ki jóias bu atxa na leitura di Bíblia di kel simana li?
3. Leitura di Bíblia
(4 min.) Pr 17:1-17 (th studu 10)
4. Kumesa ta pâpia ku pesoas
(3 min.) TISTIMUNHU INFORMAL. (lmd lison 3, pontu 5)
5. Kumesa ta pâpia ku pesoas
(4 min.) TISTIMUNHU NA PÚBLIKU. Oferese un studu di Bíblia. (lmd lison 6, pontu 4)
6. Diskursu
(5 min.) ijwbv artigu 60 — Téma: Kuzê ki Provérbios 17:17 krê fla? (th studu 13)
Kántiku 113
7. Dizenvolve ábitus ki ta djuda ten bon kumunikason
(15 min.) Diskursu i komentárius di ken ki sta sisti.
Ten un bon kumunikason é inportanti pa ten un família filís. Óras ki tudu algen na família ta xinti avontádi pa pâpia ku kunpanheru, es pode trabadja djuntu i djuda kunpanheru na situasons difísil. (Pr 15:22) Kuzê ki bu pode faze pa djuda bu família ten bon kumunikason?
Pasa ténpu ku bu família. (De 6:6, 7) Óras ki família ta faze kuzas dia-dia djuntu, ta ba runion i pregason djuntu i es ta divirti djuntu, es ta bira más amigu di kunpanheru i ses amor i kunfiansa ta bira más fórti. Tanbê, kel-li ta da-s más ténpu di ten konbérsu sábi ku kunpanheru. Alvês bu meste dexa di faze un kuza ki bu gosta pa faze un kuza ki otus algen na família krê. Má ku ténpu bu ta odja ma bale péna! (Flp 2:3, 4) Modi ki nhos pode uza kel ténpu ki nhos ta pasa djuntu di midjór manera? — Ef 5:15, 16.
Odja VÍDIU Sigi kes konsedju ki ta djuda bu família ten pas — Midjora bu manera di pâpia. Dipôs faze kes pergunta li:
Modi ki uza aparelhu iletróniku di manera mariadu ta afeta kumunikason na família?
Kuzê más ki bu prende na kel vídiu li sobri ten bon kumunikason?
Obi ku atenson. (Tg 1:19) Fidjus pode sta más avontádi pa fla kuzê ki es ta xinti, si es ka ten medu ma ses pai ku ses mai ta intende-s mariadu ô ma ta xatia ku es. Nton sforsa pa bu ka xatia si bu fidju fla-u algun kuza ki ta dexa-u preokupadu. (Pr 17:27) Envês di kel-li, poi na se lugar. Tenta intende kuzê ki el ta pensa i xinti, asi pa bu pode djuda-l ku amor.
8. Studu di Bíblia na kongregason
(30 min.) bt kap. 27 pars. 19-22, kuadru na p. 212