20 TI 26 DI OTUBRU
ECLESIASTES 9-10
Kántiku 30 i orason | Komentárius pa kumesa runion (1 min.)
1. Kuzê ki N debe pensa di nhas prubléma
(10 min.)
Nu sabe ma óras ki nu sta pasa pa prubléma kel-li ka krê fla ma Jeová ka sta kontenti ku nos. (Ec 9:11; w13-T 15/8 p. 14 pars. 20-21)
Nu sabe ma na es mundu mau di Satanás alvês nu ta pasa pa injustisa. (Ec 10:7; w19.09 p. 4 par. 10)
Nu debe tra ténpu pa tra pruvetu di kes prezenti ki Jeová ta da-nu, mésmu óras ki nu sta pasa pa prubléma. (Ec 9:7, 10; w11 15/10 p. 8 pars. 1-2)
2. Jóias ki sta na Bíblia
(10 min.)
Ec 10:12-14 — Di akordu ku kel testu li, pamodi ki é prigozu pâpia na vida di algen? (lvs pp. 162-163 pars. 11-12)
Ki jóias bu atxa na leitura di Bíblia di kel simana li?
3. Leitura di Bíblia
(4 min.) Ec 10:1-20 (th studu 11)
4. Kumesa ta pâpia ku pesoas
(3 min.) TISTIMUNHU PÚBLIKU. Kumesa ta pâpia ku un algen ki sta ta parse tristi. (lmd lison 3, pontu 4)
5. Kumesa ta pâpia ku pesoas
(4 min.) TISTIMUNHU INFORMAL. Kel algen sta preokupadu pamodi sta difísil ganha pon di kada dia. Pâpia di un di kes pontu ki sta na apéndisi “Verdadis di Bíblia ki nu gosta di inxina”, na bruxura Amor ta djuda. (lmd lison 4, pontu 4)
6. Faze disiplus
(5 min.) lff lison 17, “Rezumu”, “Perguntas di rezumu” i kuadru “Sprimenta faze kel-li”. (lmd lison 12, pontu 3)
Kántiku 47
7. Jeová ta djuda-nu óras ki kontise un disgrasa
(15 min.) Diskursu i komentárius di ken ki sta sisti.
Tudu dia nu ta pasa pa txeu tipu di prubléma i provason. Má, alguns provason ta kontise di un óra pa kel otu i es ta mexe ku nos di tal manera ki nu ka ta sabe kuzê ki nu ta faze i modi ki nu ta konsigi aguenta-s. Kenha ki pode djuda-nu i kuzê ki nu pode faze óras ki un disgrasa kontise?
Ka ta inporta ki provason ki nu ta pasa pa el, Jeová é sénpri nos ‘proteson suguru’. (Sal 62:2) Pa nu kunfia na Jeová, nu meste ser ikilibradu i rekonhese nos limitason. (Pr 11:2) Óras ki nu sta pasa pa un disgrasa, talvês nu meste tra ténpu pa nu kuida di nos ô di kes algen ki nu ta ama, pa nu toma bons disizon i pa nu rekupera di kel tristéza ki nu ta xinti. — Ec 4:6
Dja ki Jeová ta uza ses sérvu pa da kunpanheru forsa, nu debe sta prontu pa seta ô pidi ajuda. Lenbra ma bus irmon ku irmans ta ama-u txeu i es ta fika kontenti di djuda-u.
Lé 2 Koríntius 4:7-9. Dipôs faze kel pergunta li:
Pamodi ki nu debe faze nos midjór pa nu kontinua ta sisti runion, lé Bíblia i sai na pregason, sikrê pode ser difísil?
Mostra VÍDIU ‘Jeová sta pértu di kes ki tene korason maguadu’. Dipôs faze kes pergunta li:
Modi ki Jeová djuda irmon Gary ku irman Beth?
Modi ki irmons ku irmans djuda-s?
Kuzê más ki bu prende ku ses izénplu?
8. Studu di Bíblia na kongregason
(30 min.) lfb lison 28, intruduson di párti 6 i lison 29