Uza Bíblia sima un spedju

Disiplu Tiagu konpara Bíblia ku un spedju ki ta djuda-nu odja déntu nos. (Tia. 1:22-25) Modi ki nu pode uza Bíblia sima un spedju?

Le-l ku atenson. Si nu djobe faxi na spedju, talvês nu pode ka odja algun kuza ki ka sta dretu na nos aparénsia. Di mésmu manera, si nu lé Bíblia ku présa, nu ka ta konsigi odja kuzê ki nu meste muda. Pa nu faze kel-li, nu ten ki lé Bíblia ku atenson.

Djobe kuzê ki bu meste midjora envês di djobe kuzê ki otus algen meste midjora. Un spedju viradu pa otu ladu ta mostra difeitu di otus algen. Di mésmu manera, alvês nu ta uza Bíblia pa djobe fadjas di otus algen. Má kel-li ka ta djuda-nu midjora kes kuza ki nu meste konpo.

Ser ikilibradu. Si nu konsentra dimás na nos fadja ki nu ta odja na un spedju, nu pode fika dizanimadu. Nu meste ser ikilibradu óras ki nu ta lé Palavra di Deus i ka spera di nos kabésa más di ki kel ki Jeová ta spera di nos. — Tia. 3:17.