Milhons di kriatura spritual

Bíblia ta fla ma ten un monti di kriatura spritual. Jeová própi é un spritu. — João 4:24; 2 Coríntios 3:17, 18.

Tevi un ténpu ki Jeová staba el sô. Dipôs el ben faze kriaturas spritual ki txoma anjus. Es ten más puder i es é más intilijenti di ki algen na Téra. Jeová faze un monti di anju. Un sérvu di Deus ki txomaba Daniel, tevi un vizon i el odja 100 milhon di anju. — Daniel 7:10; Hebreus 1:7.

Deus faze kes anju li antis di el faze Téra. (Jó 38:4-7) Ninhun di es é ka un algen ki antis ta viveba na Téra i ki móre.