PÁRTI 9
Ki ténpu ki Téra ta ben bira un paraízu?
Kes prubléma ki sta kontise gósi ta mostra ma Reinu di Deus sta kuazi ta ben aji pa konpo Téra. Lúkas 21:10, 11, BPK; 2 Timóteo 3:1-5
Bíblia dja flaba di kes monti kuza ki sta kontise gósi. El flaba ma algen ta ben ama dinheru, fidjus ka ta obi ku pai ku mai, algen ta bira violéntu i es ta krê sô pasa sábi.
Ta tinha txeu géra, duénsa, fómi na tudu lugar i téra ta tremeba ku forsa. Tudu kel-li sta kontise oji.
Tanbê Jizus dja flaba ma kes notísia sábi di Reinu ta sérba pregadu na mundu interu. — Mateus 24:14
Reinu di Deus ta ben kaba ku tudu maldadi. 2 Pedro 3:13
Ka ta dura, Jeová ta ben kaba ku tudu algen mau.
Jeová ta ben kaba ku Satanás i se dimónis.
Kenha ki obi ku Deus ta salva pa vive na un mundu novu i justu, undi ka ta ben ten más medu; un mundu ki tudu algen ta ben ama i kúnfia na kunpanheru.