Óras ki nu ta faze orason, Jeová ta obi?

Deus ta obi nos orason. 1 Pedro 3:12

Jeová é kel ‘ki ta obi orason’. (Salmo 65:2) El krê pa nu pâpia ku el di fundu di nos korason.

Faze orason sô pa Jeová i más ningen.

Nu pode faze orason pa txeu kuza ki é di vontadi di Deus. 1 João 5:14

Faze orason pa vontadi di Deus fazedu na Téra, sima dja sta fetu na Séu.

Faze orason pa Deus, na nómi di Jizus, pa bu mostra ma bu ta da valor pa kuzê ki Jizus faze pa bo.

Pidi Jeová pa djuda-u faze kel ki é dretu. Bu pode faze orason pa bu ten kumida, trabadju, kaza, ropa i saúdi.