KÁNTIKU 96
Livru di Deus é un tizoru
(Provérbios 2:1, 4 )
1. Nu ten un livru ku palavras sábi,
Ki ta da pas, speransa i amor.
El ten puder i el ten un mensaji
Ki ta djuda-nu “odja” más midjór.
Es bon tizoru pode ser sô Bíblia,
Skrebedu pa kes ómi txeu fiel.
Deus ki djuda-s ku se sabedoria,
Baxu di spritu santu es skrebe-l.
2. Es skrebe ma Deus kria tudu kuza,
Ku se puder el faze Téra‿i séu.
Es fla tanbê ma tudu kuza muda,
Dipôs ki‿un anju bira kóntra Deus.
Un paraízu sábi, sen difetu,
Umanus perde‿i traze‿inperfeson,
Pekadu, mórti i txeu sufrimentu,
Má Jeová ranja-nu soluson.
3. Dja txiga ténpu di txeu alegria:
Jizus é Rei di Reinu di Jeová.
Di es notísias sábi nu ta pâpia,
Fla mundu di speransa k’el ta da.
Livru di Deus é un eransa grandi,
El é un prenda di Jeová pa nos.
Si nu ta le-l nu pode ganha xansi
Di ten se pas i obi ku se vós.
(Odja tanbê 2 Tim. 3:16; 2 Ped. 1:21.)