Modi ki nu pode uza Vive filís pa tudu ténpu! pa faze studus di Bíblia

Antis di studu

1. 

   1. Pripara dretu. Óras ki bu sta ta pripara, pensa na kuzê ki bu studanti meste, pensa na se situason i na kuzê ki el ta kridita na el. Pensa na kes kuza ki pode ser difísil pa el intende ô pa el aplika. Djobe modi ki kes informason ki sta na párti “Djobe más” pode djuda bu studanti, i sta prontu pa uza-s duránti studu, si meste.

Duránti studu

1. 2. Kumesa i tirmina studu ku orason si bu studanti ta konkorda.

2. 

   3. Toma kuidadu pa bu ka pâpia dimás. Konsentra na kes informason di livru i dexa bu studanti pâpia.

3. 4. Óras ki bu ta kumesa un párti di livru, lé kes informason ki sta distakadu na komésu di kel párti, i pâpia sobri téma di alguns di kes lison.

4. 5. Óras ki bu ta tirmina un párti, uza perguntas di rezumu di kel párti, pa djuda bu studanti lenbra di kes verdadi ki el prende.

5. 6. Óras ki bu ta studa kada lison ku bu studanti:

   1. Lé kes parágrafu.

   2. Lé tudu kes testu di Bíblia ki sta skrebedu “Lé”.

   3. Lé otus testu di Bíblia si meste.

   4. 

      Mostra tudu kes vídiu ki sta skrebedu “Odja” (si ta da).

   5. Faze studanti tudu kes pergunta.

   6. Pidi bu studanti pa odja kes imajen na kel párti “Sabe más” i pidi-l pa el pâpia sobri es.

   7. Uza kuadru “Sprimenta faze kel-li” pa djuda bu studanti alkansa se métas. Bu pode inkoraja-l pa el poi kel méta ki sta la, pa el skrebe otu méta ô pa el uza tudu dôs.

   8. Pergunta bu studanti si kantu el staba ta pripara se studu, si el odja algun artigu ô vídiu di párti “Djobe más” ki el gosta más txeu.

   9. Tenta studa un lison interu na kada studu.

Dipôs di studu

1. 

   7. Kontinua ta pensa na bu studanti. Faze orason ta pidi Jeová pa el abênsua prugrésu ki bu studanti sta ta faze i pa el da-u sabedoria pa bu kontinua ta djuda-l.