Ki prezenti nu pode da Jeová?

JIZUS fla: ‘É más sábi da di ki toma.’ (Atus 20:35, BPK ) Kel testu li ta aplika na nos amizadi ku Jeová. Di ki manera? Jeová dja da-nu txeu prezenti ki pô-nu fika kontenti. Má, nu ta fika más kontenti inda óras ki nu ta da Jeová un prezenti. Nton, ki prezenti nu pode da Jeová? Provérbios 3:9 ta fla: ‘Onra Jeová ku bus kuza di valor’. Nos ‘kuzas di valor’ pode ser nos ténpu, nos kapasidadi, nos forsa i kuzas material ki nu ten. Óras ki nu ta uza kes kuza li pa apoia adorason verdaderu, nu sta ta da Jeová un prezenti. Faze kel-li ta da-nu txeu alegria.

Kuzê ki nu pode faze pa nu ka skese di da Jeová nos kuzas material? Apóstlu Polu fla kes kriston na Korintu pa es ‘poi algun kuza apárti’ pa es fazeba kontribuison. (1 Cor. 16:2) Kuzê ki bu pode faze si bu krê sabe más informason sobri maneras ki ta fazedu kontribuison na lugar ki bu ta mora? Favor, odja kuadru ki sta dibaxu.

É ka na tudu país ki ta da pa faze kontribuisons pa internet. Má, ten otus manera di faze kontribuisons ki sta splikadu na kel pájina di faze kontribuisons. Na alguns país, kel pájina tanbê ten perguntas ki más ta fazedu sobri kontribuisons.