Verdadi sobri Reinu di Deus
Jizus inxina se sigidoris pa ora: “Nos Pai ki sta na séu, pa bu nómi ser santifikadu. Pa bu Reinu ben. Pa bu vontadi fazedu na téra, sima na séu.” (Mateus 6:9, 10) Kuzê ki é Reinu di Deus? Kuzê ki el ta ben faze? I pamodi ki nu debe pidi pa Reinu ben?
Jizus é Rei di Reinu di Deus.
Lukas 1:31-33: “Bu ta pô-l nómi di Jizus. El ta ben ser grandi i el ta ben txomadu Fidju di kel Más Grandi, i Jeová Deus ta ben da-l tronu di Davidi, se pai, i el ta ben ser Rei di kaza di Jakó pa tudu ténpu, i se Reinu ka ta kaba.”
Reinu éra kel téma prinsipal di pregason di Jizus.
Mateus 9:35: “Jizus kumesa ta viaja pa tudu sidadi i zónas, ta inxina na ses sinagóga, ta prega kes notísia sábi di Reinu i ta kura tudu tipu di duénsa i tudu tipu di difisénsia.”
Jizus da se disiplus un sinal pa djuda-s sabe kuzê ki ta kontiseba antis di Reinu ben.
Mateus 24:7: “Pamodi nason ta ben labanta kóntra nason i reinu kóntra reinu, ta ben ten falta di kumida i tremor di téra na un lugar tras di kel otu.”
Disiplus di Jizus oji sta ta prega sobri Reinu na téra interu.
Mateus 24:14: “I kes notísia sábi di Reinu ta ben pregadu na mundu interu pa sirbi di tistimunhu pa tudu nason, i dipôs fin ta ben.”