Midjora bu manera di prega — Uza livru ‘Mantenha-se no Amor de Deus’ pa toka korason di studantis:

PAMODI KI É INPORTANTI: Pesoas meste prende sobri leis di Jeová i vive sima el ta manda, pa es pode adora-l di manera ki el ta seta. (Is 2:3, 4) Livru “Amor de Deus”, ki é nos sugundu livru di studu, ta djuda studantis di Bíblia ntende modi ki es pode aplika prinsípius di Bíblia na ses vida. (He 5:14) Nu meste tenta toka korason di nos studantis óras ki nu ta inxina-s, asi es ta pode kria ses própi dizeju di muda ses vida. — Ro 6:17.

MODI KI TA FAZEDU:

• Pripara dretu. Pensa sénpri na nisisidadis di bu studanti. Faze pergunta ki ta pô-l ta fla kuzê ki el ta atxa, ki ta djuda-u sabe kuzê ki el ta pensa i kuzê ki el ta xinti sobri kel asuntu. — Pr 20:5; be p. 259

• Uza kes kuadru ki sta na livru pa bu djuda bu studanti odja valor di aplika prinsípius di Bíblia.

• Djuda bu studanti rasusina sobri asuntus di konsiénsia, má ka bu toma disizons pa el. — Gál 6:5

• Ku jetu, djobe si bu studanti meste di ajuda pa aplika alguns prinsípiu di Bíblia. Ku amor, nkoraja-l faze mudansas pamodi se amor pa Jeová. — Pr 27:11; Jo 14:31