Nhos djuda nhos fidjus ten un fé fórti ma é Deus ki kria-nu

Nu ta odja glória di Jeová na kuzas ki el kria. (Sal 19:1-4; 139:14) Má mundu di Satanás ta inxina tiorias sobri modi ki vida kumesa ki ta mostra falta di ruspetu pa Deus. (Ro 1:18-25) Kuzê ki nhos pode faze pa ka dexa kes ideia li entra na menti i na korason di nhos fidjus? Désdi pikinoti, djuda-s ten fé ma Jeová ta izisti i ma el ta preokupa ku kada un di es. (2Co 10:4, 5; Ef 6:16) Tenta sabe kuzê ki es ta pensa sobri kuza ki es ta inxinadu na skóla i uza kes publikason ki nu ten pa toka ses korason. — Pr 20:5; Tg 1:19.

ODJA VÍDIU “O QUE OUTROS JOVENS DIZEM — DEUS EXISTE?” I DIPÔS RESPONDE KES PERGUNTA LI:

• Kal ki é stória inventadu ki más ta uzadu pa splika modi ki Deus izisti?

• Kuzê ki bu ta inxinadu na skóla?

• Pamodi ki bu ten sertéza ma Jeová ta izisti?

• Modi ki bu pode djuda un algen ntende ma é Deus ki faze tudu kuza?