Uza publikasons ku sabedoria

Jizus fla: ‘Nhos resebe di grasa, nhos da di grasa’. (Mt 10:8) Nu ta sigi es órdi klaru di Jizus, pur isu, nu ka ta kobra ningen pa Bíblia ô publikasons ki nu ta da-s. (2Co 2:17) Má, kes publikason ten verdadis inportanti di Palavra di Deus. Pa publikasons mandadu pa tudu kongregasons na mundu interu, ta fazedu txeu sforsu i ta kusta txeu dinheru. Pur isu, nu debe toma sô kel ki nu meste.

Uza sabedoria óras ki bu ta da publikason pa otus algen, mésmu na tistimunhu pa públiku. (Mt 7:6) Envês di sô da publikason pa ken ki sta ta pasa, nu debe faze sforsu pa tenta sabe si es tene interesi. Bu ta pode responde sin, peloménus un di kes pergunta ki sta na kuadru? Si bu ka konsigi sabe si un algen tene interesi, é midjór bu da-l un folhetu pikinoti. Má, si el pidi un revista ô otu publikason, nu ta fika kontenti di da-l el. — Pr 3:27, 28.