VIVE SIMA UN KRISTON
Xinti alegria na prega notísias sábi
Dja bu kustuma atxa difísil prega? Talvês sénpri ki nu bai nos tiritóriu pesoas ka ten interesi, es ta trata-nu mal ô inda pode ser ki nu ten medu di pâpia ku algen stranhu. É klaru ki kes kuza li pode tra-nu alegria. Má nu ta adora un Deus filís ki krê pa nu sirbi-l ku alegria. (Sal 100:2; 1Ti 1:11) Pamodi ki nu debe prega ku alegria? Ten três motivu.
1. Nu ta leba un mensaji di speransa. Mésmu ki speransa sta ta kaba na mundu di oji, nu pode intxi korason di pesoas ku ‘notísias sábi di kuzas midjór’. (Is 52:7) Má notísias sábi di Reinu di Deus tanbê pode intxi-nu di alegria. Antis di bai pregason, pensa na bensons ki Reinu di Deus ta ben traze pa Téra.
2. Notísias sábi ki nu ta prega ta djuda pesoas na tudu kuza. Es ta dexa di faze kuzas mariadu i es ta pasa ta ten un speransa di vive pa tudu ténpu. (Is 48:17, 18; Ro 1:16) Nu pode imajina nos kabésa na un trabadju di djobe algen pa djuda-s salva. Sikrê alguns algen ka krê ser salvu, nu ta kontínua ta djobe kes ki krê. — Mt 10:11-14.
3. Más inportanti, é ki pregason ta da ónra pa Jeová. El ta da txeu valor pa trabadju di pregason. (Is 43:10; He 6:10) Tanbê el ta da-nu se spritu santu pa nu kontínua ta faze se trabadju. Pur isu, pidi Jeová alegria ki ta ben di spritu santu. (Gál 5:22) Ku se ajuda, nu pode kontrola nos medu i prega ku koraji. (At 4:31) Nton ka ta nporta modi ki pesoas riaji na nos tiritóriu, nu ta xinti alegria na nos trabadju di pregason. — Ez 3:3.
Kal di kes dispozison li nu debe sta na pregason? Modi ki bu pode mostra alegria?
ODJA VÍDIU RECUPERE A ALEGRIA POR MEIO DO ESTUDO E DA MEDITAÇÃO I DIPÔS RESPONDE KES PERGUNTA LI:
Sikrê tudu mês nu ta faze txeu óra na pregason, pamodi ki ten bons ábitu di studu, debe ben na primeru lugar?
Di ki manera nu pode imita Maria?
Ki óra, bu ta kustuma tra ténpu pa midita na Palavra di Deus?
Kuzê ki ta da-u alegria óras ki bu ta prega notísias sábi?