Pamodi ki adorason verdaderu é inportanti pa bo?

Vizon di ténplu ki Ezekiel odja, nkoraja kes judeu ki staba prézu i da-s speransa ma adorason verdaderu ta fikaba sima staba antis. Na es ténpu di fin, adorason verdaderu sta ‘ben finkadu la di riba di montis’. I nos nu ta faze párti di kes algen di tudu nason ki sta entra na el. (Is 2:2) Sénpri bu ta pensa na priviléjiu ki bu ten di konxe i sirbi Jeová?

BENSONS DI STA NA ADORASON VERDADERU:

• 

  Nu ta resebe txeu publikason ki ta da-nu respósta pa kes pergunta inportanti di vida, ki ta mostra-nu modi ki nu debe vive i ki ta da-nu un speransa sértu. — Is 48:17, 18; 65:13; Ro 15:4.

• Nu ta faze párti di un família na mundu interu ki ta ama kunpanheru. — Sal 133:1; Jo 13:35.

• Nu ten priviléjiu di ser uzadu pa Deus na un trabadju ki ta da-nu alegria. — At 20:35; 1Co 3:9.

• Nu ten ‘pas di Deus’ ki ta da-nu forsa óras ki nu sta pasa pa prublémas. — Fil 4:6, 7.

• Nu ten un konsénsia linpu. — 2Ti 1:3.

• Nu ten ‘un amizadi fórti ku Jeová’. — Sal 25:14.

Modi ki N pode mostra ma adorason verdaderu é inportanti pa mi?